ບໍາລຸງສ້າງແຫຼ່ງຊັບພະຍາກອນມະນຸດຕອບສະໜອງພື້ນຖານກະສິກໍາໝູນໃຊ້ເຕັກໂນໂລຢີສູງໃນສະໄໝ 4.0
ກປ.ອອນໄລ - ວັນທີ 4 ກໍລະກົດ, ຢູ່ຮ່າໂນ້ຍ, ກະຊວງສຶກສາ ແລະກໍ່ສ້າງ, ກະຊວງກະສິກໍາ ແລະພັດທະນາຊົນນະບົດ ແລະສະຖາບັນກະສິກໍາຫວຽດນາມ ໄດ້ສົມທົບກັນຈັດຕັ້ງກອງປະຊຸມສໍາມະນາວິທະຍາສາດ “ບໍາລຸງສ້າງແຫຼ່ງຊັບພະຍາກອນມະນຸດຕອບສະໜອງພື້ນຖານກະສິກໍາໝູນໃຊ້ເຕັກໂນໂລຢີສູງໃນສະໄໝ 4.0”.
ກອງປະຊຸມສໍາມະນາສຸມໃສ່ແບ່ງປັນບັນດາແນວຄວາມຄິດ, ບົດຮຽນກ່ຽວກັບການບໍາລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງຕອບສະໜອງພື້ນຖານກະສິກໍາໝູນໃຊ້ເຕັກໂນໂລຢີສູງໃນສະໄໝ 4.0. ຜ່ານນັ້ນປະກອບສ່ວນກໍ່ສ້າງລະບົບຊີວະພາບເລີ່ມທຸລະກິດປະສົບຜົນສໍາເລັດຢູ່ບັນດາມະຫາວິທະຍາໄລ, ບັນດາທ້ອງຖິ່ນ, ວິສາຫະກິດປະກອບສ່ວນພັດທະນາເສດຖະກິດ-ສັງຄົມຂອງປະເທດຊາດ.
|
|
ທ່ານ ຟຸ່ງຊວນຍ້າ ລັດຖະມົນຕີກະຊວງສຶກສາ ແລະກໍ່ສ້າງຫວຽດນາມ ກ່າວຄໍາເຫັນທີ່ກອງປະຊຸມສໍາມະນາ. ພາບ: dangcongsan.vn. |
ທີ່ກອງປະຊຸມສໍາມະນາ, ຜູ້ຕາງໜ້າບັນດາອົງການຄຸ້ມຄອງຂອງລັດໄດ້ແບ່ງປັນບັນດາການກໍານົດທິດ, ນະໂຍບາຍກ່ຽວກັບການບໍາລຸງສ້າງ, ດຶງດູດນັກຮຽນເຂົ້າມາຮຽນບັນດາຂະແໜງກະສິກໍາເຕັກໂນໂລຢີສູງ, ຕິດພັນການບໍາລຸງສ້າງ, ຄົ້ນຄວ້າວິທະຍາສາດກັບບັນດາການເຄື່ອນໄຫວຜະລິດ, ດໍາເນີນທຸລະກິດຂອງວິສາຫະກິດ, ບຸກຄົນ, ອົງການຈັດຕັ້ງນໍາໃຊ້ຜູ້ອອກແຮງງານ.
ແປໂດຍ: ທູຈາງ