ເປີດການນໍາໃຊ້ຫ້ອງຫວຽດນາມ ຢູ່ມະຫາວິທະຍາໄລກໍາປູເຈຍ
ກປ.ອອນໄລ - ວັນທີ 7 ພຶດສະພາ, ຢູ່ນະຄອນຫຼວງ ພະນົມເປັນ, ສະຖານທູດຫວຽດນາມ ປະຈໍາ ກໍາປູເຈຍ ແລະມະຫາວິທະຍາໄລກໍາປູເຈຍ (The University of Cambodia-UC) ໄດ້ຈັດຕັ້ງພິທີເປີດການນໍາໃຊ້ຫ້ອງຫວຽດນາມ ຢູ່ມະຫາວິທະຍາໄລ ກໍາປູເຈຍ ຢ່າງສົມກຽດ.
|
|
ບັນດານັກສຶກສາມະຫາວິທະຍາໄລກໍາປູເຈຍ ຢ້ຽມຊົມຫ້ອງຫວຽດນາມ ຫາກໍ່ໄດ້ຮັບການເປີດການນໍາໃຊ້. ພາບ: ສໍານັກຂ່າວສານຫວຽດນາມ. |
ກ່າວຄໍາເຫັນທີ່ພິທີ, ທ່ານ Kao Kimhourn, ລັດຖະມົນຕີທີ່ຢູ່ຄຽງຂ້າງນາຍົກລັດຖະມົນຕີກໍາປູເຈຍ-ປະທານ UC, ເນັ້ນໜັກເຖິງຄວາມໝາຍ, ບົດບາດຂອງເລື່ອງສ້າງຕັ້ງຫ້ອງຫວຽດນາມ ຢູ່ UC ແມ່ນເພື່ອແນໃສ່ຊ່ວຍນັກສຶກສາກໍາປູເຈຍ ແລະນັກສຶກສາສາກົນມີເງື່ອນໄຂຮໍ່າຮຽນ, ຄົ້ນຄວ້າກ່ຽວກັບປະເທດຊາດ, ຊາວຫວຽດນາມ ຢ່າງເລິກເຊິ່ງກວ່າອີກໃນຫຼາຍຂົງເຂດ ຄື: ການເມືອງ, ເສດຖະກິດ, ວັດທະນະທໍາ, ສັງຄົມ... ພ້ອມທັງສະແດງຄວາມຂອບອົກຂອບໃຈ ແລະປາດຖະໜາຢາກສືບຕໍ່ໄດ້ຮັບການໜູນຊ່ວຍ, ການຮ່ວມມືກວ່າອີກຂອງສະຖານທູດຫວຽດນາມ ປະຈໍາ ກໍາປູເຈຍ ໃນການຮັກສາ ແລະເສີມຂະຫຍາຍປະສິດທິຜົນການເຄື່ອນໄຫວຂອງຫ້ອງຫວຽດນາມ ເວົ້າສະເພາະ ແລະ UC ເວົ້າລວມ.
ແປໂດຍ: ທູຈາງ