ທີມຊາດຫວຽດນາມ ເສຍໃຫ້ທີມຊາດ ອີຣັກ 2-3

9 ມັງກອນ 2019 20:22

ກປ.ອອນໄລ - ທີມຊາດຫວຽດນາມ ຂຶ້ນນຳສອງປະຕູກ່ອນ, ແຕ່ວ່າກອງຫຼັງຜິດພາດກໍ່ເລີຍເຮັດໃຫ້ທີມຊາດຫວຽດນາມ ເສຍໃຫ້ທີມຊາດອີຣັກ 2-3, ໃນມື້ລົງແຂ່ງຂັນນັດທໍາອິດຂອງຄູຝຶກ Park Hang-seo ແລະນັກເຕະຫວຽດນາມ ຢູ່ສາຍ D, ໃນເວລາ 20:30 ນາທີ (ຕາມເວລາທ້ອງຖິ່ນ)ໃນວັນທີ 8 ມັງກອນ, ຢູ່ UAE.

ເຕັກນິກການຫຼິ້ນທີ່ດີຂອງນັກເຕະ ກົງເຟືອງ. ພາບ: Getty Images.

ເຖິງວ່າທີມຊາດຫວຽດນາມ ເສຍໃຫ້ທີມຊາດອີຣັກ 2-3 ແບບໜ້າເສຍດາຍກໍ່ຕາມ, ແຕ່ວ່ານີ້ບໍ່ແມ່ນໝາກຜົນທີ່ບັງເອີນ. ເປົ້າໝາຍທີ່ຈະຜ່ານຮອບຄັັດເລືອດ Asian Cup 2019 ໄດ້ສ້າງຄວາມຫຍຸ້ງຍາກຕື່ມອີກໃຫ້ທີມຊາດຫວຽດນາມ ເພາະວ່ານັດຕໍ່ໄປຈະລົງເຕະກັບທີມຊາດອີຣານ ເຊິ່ງແມ່ນທີມທີ່ແຂງແກ່ນທີ່ສຸດ (ໃນວັນທີ 12 ມັງກອນ) ແລະທີມຊາດ Yemen ກໍ່ຕັດສິນໃຈສູງເພື່ອໃຫ້ມີຄະແນນໃນການເຂົ້າຮ່ວມການແຂ່ງຂັນລະດັບທະວີບຄັ້ງທຳອິດ (ໃນວັນທີ 16 ມັງກອນ). ເຖິງຢ່າງໃດກໍ່ຕາມ, ມີສິ່ງໜຶ່ງທີ່ແນ່ນອນນັ້ນແມ່ນຄູຝຶກ Park Hang-seo ແລະທີມຊາດຫວຽດນາມ ຈະບໍ່ປະລະເປົ້າໝາຍເຊິ່ງທີມບານໄດ້ວາງອອກກ່ອນນັ້ນ.