ສະເຫຼີມສະຫຼອງ 230 ປີແຫ່ງວັນຫງວຽນເຫວ້ ຂຶ້ນຄອງລາດ
ກປ.ອອນໄລ - ວັນທີ 31 ທັນວາ, ທີ່ອະນຸສາວະລີເຈົ້າຊີວິດ ກວາງຈຸງ, ເຂດປູຊະນີຍະສະຖານພູເບິນ, ນະຄອນເຫວ້, ແຂວງເທື່ອທຽນ-ເຫວ້ ໄດ້ດໍາເນີນພິທີຖະຫວາຍທູບທຽນສະເຫຼີມສະຫຼອງ 230 ປີແຫ່ງວັນຫງວຽນເຫວ້ ຂຶ້ນຄອງລາດ, ໂດຍຖືເອົາຊື່ລາຊະການແມ່ນກວາງຈຸງ (25 ພະຈິກ 1788).
ທີ່ພິທີສະເຫຼີມສະຫຼອງ, ປະຊາຊົນ ແລະແຂກທ່ອງທ່ຽວໄດ້ໄປຖະຫວາຍທູບທຽນເປັນຈໍານວນຫຼວງຫຼາຍ ແລະພ້ອມກັນຫວນຄືນຊີວິດ ແລະພາລະກິດອັນສະຫງ່າລາສີຂອງເຈົ້າຊີວິດກວາງຈຸງ-ຫງວຽນເຫວ້. ກໍ່ຢູ່ທີ່ເຂດພູເບິນ, ປີ 1788, ຫງວຽນເຫວ້ ໄດ້ເຮັດກອງທານເພື່ອຄອບຟ້າດິນ ແລະທໍາພິທີຂຶ້ນຄອງບັນລັງ, ໂດຍຖືເອົາຊື່ລາຊະການວ່າກວາງຈຸງ.
|
|
ວາດພາບພິທີຫງວຽນເຫວ້ ຂຶ້ນຄອງບັນລັງເຈົ້າຊີວິດ ກວາງຈຸງ ຢູ່ພູເບິນ (ນະຄອນເຫວ້). ພາບ: sggp.org.vn |
ຫຼັງຈາກນັ້ນ, ເພິ່ນໄດ້ປຸກລະດົມການເຄື່ອນທັບອອກສູ່ພາກເໜືອເພື່ອຕີສັດຕູຜູ້ຮຸກຮານຈີນໃຫ້ປະລາໄຊ, ປົດປ່ອຍກໍາແພງນະຄອນທັງລອງ ໃນບຸນປີໃໝ່ປະຈໍາຊາດ 1789, ເປັນຂີດໝາຍປະຫວັດສາດສໍາຄັນໃນວິວັດແຫ່ງການສ້າງສາ ແລະປົກປັກຮັກສາປະເທດຊາດອັນສະຫງ່າລາສີຂອງຊາດຫວຽດນາມ.
ໂດຍ: ໄຊຊະນະ