ໄຂເວທີປາໄສອົງການສົ່ງເສີມການທ່ອງທ່ຽວບັນດານະຄອນອາຊີ - ປາຊີຟີກ ຄັ້ງທີ 8
ກປ.ອອນໄລ - ໃນວັນທີ 21 ມິຖຸນາ, ພະແນກທ່ອງທ່ຽວນະຄອນ ໂຮ່ຈິມິນ ໄດ້ສົມທົບກັບອົງການສົ່ງເສີມການທ່ອງທ່ຽວບັນດານະຄອນອາຊີ - ປາຊີຟີກ (TPO) ໄຂເວທີປາໄສ TPO ຄັ້ງທີ 8 ຢູ່ນະຄອນ ໂຮ່ຈິມິນ ດ້ວຍຫົວຂໍ້ “ທ່ອງທ່ຽວສະຫຼາດ”, ເພື່ອແນໃສ່ປະກອບສ່ວນປັບປຸງຄວາມສາມາດດ້ານວິຊາສະເພາະຂອງບັນດານະຄອນສະມາຊິກ TPO ແລະຊ່ວຍໃຫ້ບັນດາຜູ້ແທນເຂົ້າຮ່ວມເວທີປາໄສພັດທະນາບັນດາແນວຄວາມຄິດ, ຍຸດທະສາດ ແລະຈິນຕະນາການໃໝ່ຮັບໃຊ້ໃຫ້ແກ່ຂະແໜງທ່ອງທ່ຽວ ໃນສະໄໝການປະຕິວັດອຸດສາຫະກຳ 4.0.
    |
 |
|
ການນຳນະຄອນ ໂຮ່ຈິມິນ ຖ່າຍຮູບພ້ອມກັບຜູ້ຕາງໜ້າບັນດາປະເທດໃນອົງການຈັດຕັ້ງ TPO. ພາບ: ເລກຸກ. |
ກ່າວຄຳເຫັນທີ່ພິທີໄຂ, ທ່ານ ເລແທງລຽມ, ຮອງປະທານຜູ້ປະຈຳການຄະນະກຳມະການປະຊາຊົນນະຄອນ ໂຮ່ຈິມິນ ຢືນຢັນວ່າ, ເວທີປາໄສແມ່ນໂອກາດເພື່ອໃຫ້ບັນດາສະມາຊິກແບ່ງປັນບັນດາຄຸນຄ່າວັດທະນະທຳ, ປະກອບສ່ວນເພີ່ມພູນຄູນສ້າງໃຫ້ແກ່ສັນຕິພາບ, ວັດທະນາຖາວອນຢູ່ພາກພື້ນອາຊີ - ປາຊີຟີກ.
ຕອນບ່າຍວັນດຽວກັນ, ເວທີປາໄສໄດ້ຈັດຕັ້ງການສະແດງຮູບແບບທ່ອງທ່ຽວສະຫຼາດຂອງບັນດານະຄອນ: ນະຄອນ ໂຮ່ຈິມິນ, Fukuoka, Boryeong, Kota Bharu, ດຶງດູດຫຼາຍວິສາຫະກິດທ່ອງທ່ຽວເຂົ້າຮ່ວມ.
ແປໂດຍ: ທູຮັ່ງ