Viettel ແມ່ນໜຶ່ງໃນ 10 ວິສາຫະກິດຫວຽດນາມແຖວໜ້າອຸດສາຫະກໍາ 4.0
ກປ.ອອນໄລ - ວັນທີ 17 ກັນຍາ, ຢູ່ຮ່າໂນ້ຍ, ສະມາຄົມຊອບແວ ແລະບໍລິການເຕັກໂນໂລຢີຂໍ້ມູນຂ່າວສານຫວຽດນາມ VINASA ໄດ້ຈັດຕັ້ງພິທີປະກາດບັນຊີລາຍຊື່ “50+10 ວິສາຫະກິດເຕັກໂນໂລຊີຂໍ້ມູນຂ່າວສານແຖວໜ້າຢູ່ຫວຽດນາມ 2018” ແລະປະກາດສື່ສິ່ງພິມພິເສດແນະນໍາບັນດາວິສາຫະກິດນີ້.
ຜ່ານບັນດາການກວດໃຫ້ຄະແນນ, ລາຍການໄດ້ຄັດເລືອກເອົາ 53 ວິສາຫະກິດທັງໝົດຢູ່ໃນ 2 ກຸ່ມແມ່ນ: 50 ວິສາຫະກິດເຕັກໂນໂລຊີຂໍ້ມູນຂ່າວສານແຖວໜ້າຢູ່ຫວຽດນາມ ແລະ 10 ວິສາຫະກິດມີກໍາລັງຄວາມສາມາດເຕັກໂນໂລຊີ 4.0 ດີເດັ່ນ. ໃນບັນຊີລາຍຊື່ 10 ວິສາຫະກິດແຖວໜ້າໃນຂົງເຂດເຕັກໂນໂລຊີໃໝ່ຂອງການປະຕິວັດອຸດສາຫະກໍາ 4.0 ມີກຸ່ມບໍລິສັດອຸດສາຫະກໍາ-ໂທລະຄົມມະນາຄົມກອງທັບ (Viettel), ກຸ່ມບໍລິສັດ FPT, ບໍລິສັດຫຸ້ນສ່ວນ MISA…
ໂດຍ: ທູຈາງ