ກວ່າ 43 ລ້ານເບີໂທລະສັບມືຖືຂອງ Viettel ຈະໄດ້ຮັບການຫັນປ່ຽນດ້ວຍຕົວເລກທຳອິດແມ່ນ 03
ກປ.ອອນໄລ - ວັນທີ 11 ກັນຍາ, ບໍລິສັດໃຫຍ່ໂທລະຄົມມະນາຄົມ Viettel (Viettel Telecom) ໃຫ້ຮູ້ວ່າໄດ້ພ້ອມແລ້ວທີ່ຈະຫັນປ່ຽນເບີໂທລະສັບມືຖືຈາກ 11 ຕົວເລກລົງສູ່ 10 ຕົວເລກຢ່າງເປັນທາງການ. ກວ່າ 43 ລ້ານເບີໂທລະສັບມືຖືດ້ວຍ 11 ຕົວເລກຂອງ Viettel ຈະໄດ້ຮັບການຫັນປ່ຽນດ້ວຍຕົວເລກທຳອິດແມ່ນ 03.
ຄາດຄະເນວ່າ, ການຫັນປ່ຽນເບີໂທລະສັບມືຖືຂອງ Viettel ຈາກ 11 ຕົວເລກລົງສູ່ 10 ຕົວເລກນັ້ນຈະເລີ່ມປະຕິບັດນັບແຕ່ເວລາ 00:00 ໂມງຂອງວັນທີ 15 ກັນຍາ ແລະສໍາເລັດໃນວັນທີ 7 ຕຸລາ 2018. ພາຍຫຼັງສໍາເລັດການຫັນປ່ຽນ, ລູກຄ້າຍັງສາມາດນໍາໃຊ້ທັງເບີໂທລະສັບມືຖືເກົ່າ ແລະເບີໂທລະສັບມືຖືໃໝ່ຮອດວັນທີ 14 ພະຈິກ 2018. ຕໍ່ຈາກນັ້ນ, Viettel ຍັງສືບຕໍ່ແຈ້ງໃຫ້ຊາບກ່ຽວກັບການຫັນປ່ຽນເບີໂທລະສັບມືຖື (ດ້ວຍພາສາອັງກິດ ແລະພາສາຫວຽດນາມ) ຮອດວັນທີ 30 ມິຖຸນາ 2019 ຖ້າຜູ້ນໍາໃຊ້ຫຼົງໂທໄປດ້ວຍຕົວເລກເກົ່າ.
ໂດຍ: ທູຈາງ