ທ່ານ ດິງຕ໋ຽນຢູງ ລັດຖະມົນຕີກະຊວງການເງິນຫວຽດນາມ ຕ້ອນຮັບທ່ານ ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະຂົນສົ່ງລາວ

ການໄປປະຕິບັດງານຢູ່ ຫວຽດນາມ ໃນຄັ້ງນີ້ຂອງທ່ານ ບຸນຈັນ ສິນທະວົງ ເພື່ອແນໃສ່ກະກຽມໃຫ້ການຢ້ຽມຢາມ ແລະເຮັດວຽກຢູ່ປະເທດ ສປປ ລາວ ຂອງທ່ານ ຫງວຽນຟູຈ້ອງ ເລຂາທິການໃຫຍ່, ປະທານປະເທດຫວຽດນາມ ໃນທ້າຍເດືອນ ກຸມພາ 2019.

ທ່ານ ດິງຕ໋ຽນຢູງ ລັດຖະມົນຕີກະຊວງການເງິນຫວຽດນາມ ແລະທ່ານ ບຸນຈັນ ສິນທະວົງ ລັດຖະມົນຕີກະຊວງໂຍທາທິການ ແລະຂົນສົ່ງລາວ. ພາບ: baomoi.com.

ກ່າວຄໍາເຫັນທີ່ການຕ້ອນຮັບ, ທ່ານ ດິງຕ໋ຽນຢູງ ສະແດງຄວາມປິຕິຊົມຊື່ນຕໍ່ເລື່ອງ ທ່ານ ບຸນຈັນ ສິນທະວົງ  ພ້ອມກັບຄະນະປະຕິບັດງານມາຢ້ຽມຢາມ ແລະເຮັດວຽກກັບກະຊວງການເງິນຫວຽດນາມ. ທ່ານ ດິງຕ໋ຽນຢູງ ຢືນຢັນວ່າຈະສືບຕໍ່ຊຸກຍູ້ການຮ່ວມມືດ້ານການເງິນ, ສັນຍາຊ່ວຍເຫຼືອທຶນກໍ່ສ້າງທາງຄົມມະນາຄົມຢູ່ ລາວ; ພ້ອມທັງຈະລາຍງານເຖິງທ່ານ ນາຍົກລັດຖະມົນຕີຫວຽດນາມ ກ່ຽວກັບບັນດາກົນໄກການເງິນ, ວິທີການຊຸກຍູ້ການຮ່ວມມືລະຫວ່າງສອງປະເທດ. ທ່ານ ດິງຕ໋ຽນຢູງ ຢືນຢັນວ່າ, ສາຍພົວພັນຄູ່ຮ່ວມມືຍຸດທະສາດຫວຽດນາມ-ລາວ ໄດ້ ແລະພວມເຂົ້າສູ່ເນື້ອແທ້ກວ່າ, ໄດ້ຫຼາຍຜົນງານທີ່ດີກວ່າ.

ບັນຍາກາດທີ່ການເຮັດວຽກ. ພາບ: baomoi.com.

ທ່ານ ບຸນຈັນ ສິນທະວົງ ຮັບຮູ້ບັນດາຄວາມຄິດເຫັນແລກປ່ຽນທີ່ກົງໄປກົງມາຂອງທ່ານ ດິງຕ໋ຽນຢູງ ບົນຈິດໃຈຮ່ວມມື, ເຕັມໄປດ້ວຍນໍ້າໃຈສາມັກຄີລະຫວ່າງສອງປະເທດ; ພ້ອມທັງໃຫ້ຮູ້ວ່າຈະລາຍງານຜົນງານການເຮັດວຽກກັບກະຊວງການເງິນຫວຽດນາມ ເຖິງທ່ານ ນາຍົກລັດຖະມົນຕີລາວ. ທ່ານ ບຸນຈັນ ສິນທະວົງ ອວຍພອນຄວາມສາມັກຄີ, ມິດຕະພາບແບບພິເສດລະຫວ່າງສອງພັກ, ສອງລັດ, ກະຊວງການເງິນຫວຽດນາມ ແລະກະຊວງໂຍທາທິການ ແລະຂົນສົ່ງລາວ ໃຫ້ນັບມື້ນັບພັດທະນາ.

ໂດຍ: ເກື່ອງດັ້ງ