ຄະນະຜູ້ແທນຂັ້ນສູງຫວຽດນາມ ຢ້ຽມຢາມ ແລະເຮັດວຽກຢູ່ແຂວງວຽງຈັນ, ປະເທດລາວ
ກປ.ອອນໄລ - ໃນຂອບເຂດການຢ້ຽມຢາມປະເທດລາວ, ວັນທີ 10 ຕຸລາ, ທ່ານ ເຈິ່ນກວກເວື້ອງ, ກຳມະການກົມການເມືອງ, ຜູ້ປະຈຳການຄະນະເລຂາທິການສູນກາງພັກ ໄດ້ໄປຢ້ຽມຢາມແຂວງວຽງຈັນ, ປະເທດລາວ.
ທ່ານ ວິດົງ ໄຊຍະສອນ ກຳມະການສູນກາງພັກ, ເລຂາພັກແຂວງ-ເຈົ້າແຂວງແຂວງວຽງຈັນ ແລະບັນດາສະຫາຍການນຳແຂວງວຽງຈັນ ໄດ້ສະແດງຄວາມປິຕິຊົນຊື່ນເມື່ອໄດ້ຕ້ອນຮັບທ່ານ ເຈິ່ນກວກເວື້ອງ ແລະຄະນະຜູ້ແທນຂັ້ນສູງຫວຽດນາມມາຢ້ຽມຢາມ; ລາຍງານກັບຄະນະກ່ຽວກັບສະພາບການພັດທະນາເສດຖະກິດ-ສັງຄົມ, ວຽກງານກໍ່ສ້າງພັກຂອງແຂວງວຽງຈັນກໍຄືສາຍພົວພັນຮ່ວມມືລະຫວ່າງແຂວງວຽງຈັນ ແລະບັນດາແຂວງ, ນະຄອນຂອງຫວຽດນາມ; ຢືນຢັນວ່າແຂວງຈະມານະພະຍາຍາມປະກອບສ່ວນເຂົ້າໃນການເພີ່ມພູນຄູນສ້າງສາຍພົວພັນສາມັກຄີແບບພິເສດ ແລະຮ່ວມມືຮອບດ້ານຫວຽດນາມ-ລາວ ໃຫ້ນັບມື້ນັບພັດທະນາ, ແຕກດອກອອກຜົນ.
|
|
ທ່ານ ເຈິ່ນກວກເວື້ອງ ກ່າວຄຳເຫັນທີ່ການພົບປະກັບບັນດາການນຳແຂວງວຽງຈັນ. ພາບ: ສຳນັກຂ່າວສານຫວຽດນາມ. |
ທ່ານ ເຈິ່ນກວກເວື້ອງ ຊົມເຊີຍບັນດາຜົນງານສຳຄັນໃນບັນດາຂົງເຂດເຊິ່ງອົງຄະນະພັກ, ອຳນາດການປົກຄອງ ແລະປະຊາຊົນແຂວງວຽງຈັນ ບັນລຸໄດ້ໃນໄລຍະຜ່ານມາ; ພ້ອມທັງຕີລາຄາສູງໝາກຜົນການຮ່ວມມື, ຊ່ວຍເຫຼືອເຊິ່ງກັນ ແລະກັນໃນໄລຍະຈະມາເຖິງ, ແຂວງວຽງຈັນສືບຕໍ່ເປີດກວ້າງ ແລະຍົກສູງປະສິດທິຜົນການຮ່ວມມືໃນບັນດາຂົງເຂດກັບບັນດາແຂວງ, ນະຄອນຂອງຫວຽດນາມ, ເປັນຕົ້ນແມ່ນຮ່ວມມືກ່ຽວກັບການປ້ອງກັນຊາດ- ປ້ອງກັນຄວາມສະຫງົບ, ການສຶກສາ-ບຳລຸງສ້າງ, ພັດທະນາແຫຼ່ງຊັບພະຍາກອນມະນຸດ, ການແລກປ່ຽນບົດຮຽນກ່ຽວກັບວຽກງານກໍ່ສ້າງພັກ, ຄຸ້ມຄອງເສດຖະກິດຢູ່ທ້ອງຖິ່ນຕ່າງໆ...
ໂດຍ: ທູຮັ່ງ