ຫວຽດນາມ-ກໍາປູເຈຍ ເພີ່ມພູນຄູນສ້າງ, ເສີມຂະຫຍາຍສາຍພົວພັນຖານບ້ານໃກ້ເຮືອນຄຽງອັນດີງາມ
ກປ.ອອນໄລ - ວັນທີ 13 ມີນາ, ທີ່ການຕ້ອນຮັບຄະນະຜູ້ແທນນະຄອນຫຼວງ ພະນົມເປັນ ໂດຍທ່ານ Khuong Sreng, ເຈົ້າຄອງນະຄອນຫຼວງ ພະນົມເປັນ ນໍາໜ້າ, ທ່ານ ຫງວຽນທ້ຽນເຍີນ, ເລຂາພັກນະຄອນ ໂຮ່ຈິມິນ ໄດ້ເນັ້ນໜັກເຖິງສາຍພົວພັນຖານບ້ານໃກ້ເຮືອນຄຽງທີ່ມີມາແຕ່ດົນນານລະຫວ່າງຫວຽດນາມ-ກໍາປູເຈຍ.
ພ້ອມທັງຕີລາຄາສູງຂໍ້ລິເລີ່ມຂອງການນໍານະຄອນຫຼວງ ພະນົມເປັນ ກ່ຽວກັບການຈັດສົ່ງບັນດາການນໍາໜຸ່ມຂອງນະຄອນຫຼວງ ພະນົມເປັນ ມານະຄອນ ໂຮ່ຈິມິນ ເພື່ອແລກປ່ຽນ, ຖອດຖອນບົດຮຽນໃນການຄຸ້ມຄອງ ແລະພັດທະນາຕົວເມືອງ.
    |
 |
|
ບັນຍາກາດທີ່ການຕ້ອນຮັບຄະນະຜູ້ແທນຂັ້ນສູງນະຄອນຫຼວງ ພະນົມເປັນ. ພາບ: ສໍານັກຂ່າວສານຫວຽດນາມ. |
ທ່ານ ຫງວຽນທ້ຽນເຍີນ ເນັ້ນໜັັກວ່າ: ນະຄອນ ໂຮ່ຈິມິນ ຍາມໃດກໍ່ຖືເປັນສໍາຄັນ ແລະເຮັດຈົນສຸດຄວາມສາມາດຂອງຕົນເພື່ອຮັກສາ, ປັບປຸງ, ເສີມຂະຫຍາຍສາຍພົວພັນມິດຕະພາບ, ການຮ່ວມມືຮອບດ້ານກັບບັນດາທ້ອງຖິ່ນຂອງກໍາປູເຈຍ, ໃນນັ້ນມີນະຄອນຫຼວງ ພະນົມເປັນ. ໃນໄລຍະຈະມາເຖິງ, ນະຄອນ ໂຮ່ຈິມິນ ປາດຖະໜາຢາກຍູ້ແຮງການພົວພັນມິດຕະພາບ, ການຮ່ວມມືກັບນະຄອນຫຼວງ ພະນົມເປັນ ກວ່າອີກໃນບັນດາຂົງເຂດ ຄື: ການທ່ອງທ່່ຽວ, ອຸດສາຫະກໍາ, ຄົມມະນາຄົມ-ຂົນສົ່ງ...
ທ່ານ Khuong Sreng ໃຫ້ຮູ້ວ່າ, ນະຄອນຫຼວງ ພະນົມເປັນ ປາດຖະໜາຢາກຈັດສົ່ງການນໍາບັນດາເມືອງຂອງນະຄອນຫຼວງ ພະນົມເປັນ ມານະຄອນ ໂຮ່ຈິມິນ ເພື່ອຮໍ່າຮຽນ, ຮ່ວມມືໃນການຄຸ້ມຄອງ, ກໍ່ສ້າງຕົວເມືອງຄື: ພື້ນຖານໂຄງລ່າງຄົມມະນາຄົມ, ບຳບັດຂີ້ເຫຍື້ອ.
ແປໂດຍ: ທູຈາງ