ຫວຽດນາມ ແລະ ສ.ເກົາຫຼີ ເພີ່ມທະວີການຮ່ວມມືໃນຂົງເຂດກວດສອບ
ກປ.ອອນໄລ - ໃນຂອບເຂດກອງປະຊຸມໃຫຍ່ບັນດາອົງການກວດສອບສູງສຸດອາຊີ ຄັ້ງທີ 14 (ASOSAI 14), ວັນທີ 20 ກັນຍາ, ທ່ານ ໂຮ່ດຶກເຟິກ, ປະທານອົງການກວດສອບແຫ່ງລັດຫວຽດນາມ (SAV) ໄດ້ມີການພົບປະເຈລະຈາກັບທ່ານ Choe Jaehyeong, ປະທານຄະນະກຳມະການກວດສອບ ແລະກວດກາ ສ.ເກົາຫຼີ (BAI).
|
|
ທ່ານ Choe Jaehyeong, ປະທານຄະນະກຳມະການກວດສອບ ແລະກວດກາ ສ.ເກົາຫຼີ ມອບຂອງຂວັນທີ່ລະນຶກໃຫ້ທ່ານ ໂຮ່ດຶກເຟິກ, ປະທານອົງການກວດສອບແຫ່ງລັດຫວຽດນາມ. ພາບ: ງອັກທື. |
ທີ່ການພົບປະເຈລະຈາ, ທ່ານ ໂຮ່ດຶກເຟິກ ຖືວ່າ, ຫວຽດນາມ ແລະ ສ.ເກົາຫຼີ ມີຈຸດຄ້າຍຄືກັນຫຼາຍຢ່າງກ່ຽວກັບສະພາບແວດລ້ອມສັງຄົມ, ປະຫວັດສາດ ແລະວັດທະນະທໍາ. SAV ໄດ້ຖອດຖອນບົດຮຽນຈາກ BAI ເພື່ອສ້າງກົດໝາຍວ່າດ້ວຍການກວດສອບແຫ່ງລັດ ແລະສ້າງບັນດາຂັ້ນຕອນ, ມາດຕະຖານການກວດສອບ... ໃນໄລຍະໃກ້ຈະມາເຖິງ, ສອງຝ່າຍຄວນເພີ່ມທະວີການຮ່ວມມືໃນບາງຂົງເຂດກວ່າອີກ, ພິເສດແມ່ນການກວດສອບເຕັກໂນໂລຢີຂໍ້ມູນຂ່າວສານ. ທ່ານ ໂຮ່ດຶກເຟິກ ສະເໜີ, ສອງຝ່າຍປຶກສາຫາລື, ເລືອກເຟັ້ນຫົວຂໍ້ເພື່ອປະຕິບັດການກວດສອບຮ່ວມ.
|
|
ບັນດາຜູ້ແທນຖ່າຍຮູບເປັນທີ່ລະນຶກ. ພາບ: ຫງັອກທື. |
ທ່ານ Choe Jaehyeong ປາດຖະໜາຢາກໃຫ້ສອງອົງການພົບປະ, ແລກປ່ຽນບົດຮຽນເປັນປະຈໍາ, ໃນນັ້ນມີການກວດສອບເຕັກໂນໂລຢີຂໍ້ມູນຂ່າວສານ ແລະການກວດສອບສິ່ງແວດລ້ອມ.
ໂດຍ: ທູຈາງ