ຍີ່ປຸ່ນ ຊອກຮູ້ກ່ຽວກັບການໜູນຊ່ວຍໂຮງໝໍເສນາຮັກ 175 ເພື່ອບໍາລຸງສ້າງໃຫ້ແກ່ພະຍາບານ
ກປ.ອອນໄລ - ຕອນບ່າຍວັນທີ 13 ກໍລະກົດ, ໃນຂອບເຂດການຢ້ຽມຢາມ ແລະສໍາຫຼວດບັນດາໂຄງການຮ່ວມມືຂອງ ຍີ່ປຸ່ນ ຢູ່ນະຄອນ ໂຮ່ຈິມິນ, ຄະນະປະຕິບັດງານຄະນະແມ່ຍິງພັກເສລີປະຊາທິປະໄຕ ຍີ່ປຸ່ນ (LDP), ໂດຍທ່ານນາງ Tsuchiya Shinaki, ສະມາຊິກສະພາຕ່ຳສະພາແຫ່ງຊາດ ຍີ່ປຸ່ນ, ຫົວໜ້າກໍາມາທິການວິທະຍາສາດເຕັກນິກ-ຊຸກຍູ້ປະດິດສ້າງສະພາຕໍ່າ, ຮອງປະທານກຳມາທິການທີ່ດິນພື້ນຖານໂຄງລ່າງຄົມມະນາຄົມສະພາຕໍ່າ ຍີ່ປຸ່ນ ນໍາໜ້າ, ໄດ້ມາຢ້ຽມຢາມສູນບໍາລຸງສ້າງພະຍາບານ ສະກຸຣະ 175-SYASOUKEN, ສັງກັດໂຮງໝໍເສນາຮັກ 175 (ກະຊວງປ້ອງກັນປະເທດຫວຽດນາມ).
    |
 |
|
ທ່ານນາງ Tsuchiya Shinaki ແລກປ່ຽນກັບບັນດາພະຍາບານກ່ຽວກັບປະສິດທິຜົນບັນດາຊຸດຝຶກອົບຮົມ. ພາບ: ສໍານັກຂ່າວສານຫວຽດນາມ. |
ຄະນະໄດ້ສັງເກດ ແລະຕີລາຄາໂດຍກົງບັນດາເຕັກນິກໂດຍນັກຊ່ຽວຊານ ຍີ່ປຸ່ນ ຝຶກອົບຮົມໃຫ້ບັນດາພະຍາບານ, ພະນັກງານພາລະກອນໂຮງໝໍເສນາຮັກ 175 ແລະແລກປ່ຽນກັບບັນດາພະຍາບານກ່ຽວກັບປະສິດທິຜົນຂອງບັນດາຊຸດຝຶກອົບຮົມ, ບັນດາຊຸດບໍາລຸງສ້າງ, ບັນດາເຄື່ອງອຸປະກອນທັນສະໄໝ ແລະລາຍການປິ່ນປົວບໍາລຸງຂອງ ຍີ່ປຸ່ນ ນຳມາໃຫ້. ຄະນະຢາກຊອກຮູ້ກ່ຽວກັບສະພາບການເຄື່ອນໄຫວ, ແງ່ຫວັງຂອງຂະແໜງສາທາລະນະສຸກ ຫວຽດນາມ, ບັນດາລາຍການຮ່ວມມືລະຫວ່າງ ຍີ່ປຸ່ນ ແລະຫວຽດນາມ ໃນຂົງເຂດນີ້ເວົ້າລວມ ແລະໂຮງໝໍເສນາຮັກ 175 ເວົ້າສະເພາະ.
ຄະນະກໍ່ແລກປ່ຽນກ່ຽວກັບສະພາບການຮ່ວມມືຂອງໂຮງໝໍເສນາຮັກ 175 ແລະກໍານົດທິດຮ່ວມມືໃນອະນາຄົດສໍາລັບຄູ່ຮ່ວມມື ຍີ່ປຸ່ນ.
ແປໂດຍ: ກວຽດເຕີມ