ຊຸກຍູ້ການຮ່ວມມືດ້ານພະລັງງານແບບຍືນຍົງລະຫວ່າງ ຫວຽດນາມ ແລະອົດສະຕາລີ
ກປ.ອອນໄລ - ວັນທີ 21 ພຶດສະພາ, ສະຖະທູດ ອົດສະຕາລີ ປະຈໍາ ຫວຽດນາມ ໃຫ້ຮູ້ວ່າ, ໃນວັນທີ 22 ພຶດສະພາ ຈະມີບັນດາວິສາຫະກິດ, ຜູ້ຮັບເໝົານໍາໜ້າໂລກໃນຂົງເຂດເຕັກນິກ, ຊື້ເຄື່ອງຂອງ ແລະກໍ່ສ້າງ; ບັນດາຜູ້ສະໜອງຖ່ານ, ອຸປະກອນ ແລະບັນດາບໍລິສັດທີ່ປຶກສາຄຸ້ມຄອງໂຄງການ ແລະການຄ້າເຂົ້າຮ່ວມກອງປະຊຸມພະລັງງານ ຫວຽດນາມ-ອົດສະຕາລີ ປີ 2018.
ກອງປະຊຸມໂດຍອົງການການຄ້າ ແລະການລົງທຶນລັດຖະບານອົດສະຕາລີ ສົມທົບກັບກະຊວງອຸດສາຫະກໍາ ແລະການຄ້າ ຫວຽດນາມ ຈັດຕັ້ງເພື່ອແນໃສ່ແບ່ງປັນບົດຮຽນຄຸ້ມຄອງຂອງລັດຖະບານ, ຄວາມຮູ້ດ້ານວິຊາການໃນການຕອບສະໜອງບັນດາຄວາມຕ້ອງການ ແລະແກ້ໄຂບັນດາສິ່ງທ້າທາຍທີ່ກ່ຽວຂ້ອງເຖິງການພັດທະນາຂະແໜງພະລັງງານ.
ທ່ານ Shannon Leahy, ທູດການຄ້າ, ສະຖານທູດອົດສະຕາລີ ໃຫ້ຮູ້ວ່າ: “ການພົວພັນດ້ານການຄ້າ, ການລົງທຶນລະຫວ່າງ ອົດສະຕາລີ ແລະຫວຽດນາມ ພັດທະນາໄວທີ່ສຸດໃນບັນດາພື້ນຖານເສດຖະກິດອາຊຽນ ທັງໝົດໃນທົດສະວັດຜ່ານມາ, ດ້ວຍການແລກປ່ຽນດ້ານການຄ້າ ແລະການລົງທຶນສອງສົ້ນບັນລຸໄດ້ 11,8 ຕື້ໂດລາສະຫະລັດ. ພະລັງງານແມ່ນໜຶ່ງໃນບັນດາຂົງເຂດຫຼັກແຫຼ່ງຊຸກຍູ້ການຄ້າສອງຝ່າຍລະຫວ່າງສອງປະເທດ. ຕາມທ່າອ່ຽງຂອງຫວຽດນາມ ຫັນປ່ຽນໄປສູ່ນໍາໃຊ້ຖ່ານສະອາດ ແລະບັນດາມາດຕະການພະລັງງານຜະລິດຄືນໃໝ່, ຂະແໜງອຸດສາຫະກໍາພະລັງງານອົດສະຕາລີ ພ້ອມແລ້ວທີ່ຈະຮ່ວມມື ແລະໜູນຊ່ວຍ”.
|
|
ທ່ານ Shannon Leahy, ທູດການຄ້າ, ສະຖານທູດອົດສະຕາລີ ກ່າວຄໍາເຫັນທີ່ກອງປະຊຸມ. ພາບ: ລາມແອງ. |
ອົດສະຕາລີ ກໍ່ມີປະສົບການໃນການຄຸ້ມຄອງນະໂຍບາຍແຖວໜ້າໃນການພັດທະນາ ແລະດັດສົມຕະຫຼາດພະລັງງານ. ປະສົບການ ແລະທ່າແຮງຂອງອົດສະຕາລີ ແມ່ນສອດຄ່ອງກັບຄວາມຕ້ອງການຂອງຫວຽດນາມໃນການຮັບປະກັນຄວາມໝັ້ນຄົງດ້ານພະລັງງານ ກໍ່ຄື ພັດທະນາຂະແໜງພະລັງງານແບບຍືນຍົງ.
ແປໂດຍ: ເກື່ອງດັ້ງ