ແຂວງຮ່າຕິ້ງ ຈັດຕັ້ງພິທີສູດໄຊຍະມຸງຄຸນຢູ່ສຸສານນັກຮົບເສຍສະຫຼະຊີວິດເພື່ອຊາດແຫ່ງຊາດເນິ່ມ
ກປ.ອອນໄລ - ຕອນຄໍ່າວັນທີ 9 ພຶດສະພາ, ຢູ່ສຸສານນັກຮົບເສຍສະຫຼະຊີວິດເພື່ອຊາດແຫ່ງຊາດເນິ່ມ (ເມືອງເຮືອງເຊີນ), ຄະນະກໍາມະການປະຊາຊົນເມືອງເຮືອງເຊີນ, ຄະນະບໍລິຫານງານຊາວໜຸ່ມແຂວງ, ຄະນະບໍລິຫານງານສະມາຄົມພຸດທະສາສະໜາແຂວງຮ່າຕິ້ງ ໄດ້ຈັດຕັ້ງພິທີສູດໄຊຍະມຸງຄຸນຕໍ່ດວງວິນຍານຂອງທະຫານອາສາສະໝັກ ແລະຊ່ຽວຊານຫວຽດນາມທີ່ເສຍສະຫຼະຊີວິດໃນປາງສົງຄາມຢູ່ລາວ ເຊິ່ງຫາກໍ່ໄດ້ທ້ອນໂຮມກັບຄືນປະເທດ.
ເຂົ້າຮ່ວມພິທີສູດໄຊຍະມຸງຄຸນ ມີທ່ານ ຮວ່າງຈູງຢູງ ຮອງເລຂາຜູ້ປະຈໍາການພັກແຂວງ; ທ່ານ ຟານກາວແທງ ຫົວໜ້າຄະນະຂົນຂວາຍປະຊາຊົນແຂວງ; ທ່ານ ເຢືອງເຕິດຖັ໋ງ ຮອງປະທານຄະນະກໍາມະການປະຊາຊົນແຂວງ; ການນໍາບັນດາຄະນະ, ຂະແໜງການຂັ້ນແຂວງ ແລະພະນັກງານ, ປະຊາຊົນເປັນຈໍານວນຫຼວງຫຼາຍ.
ພິທີສູດໄຊຍະມຸງຄຸນແມ່ນການເຄື່ອນໄຫວເພື່ອແນໃສ່ເສີມຂະຫຍາຍມູນເຊື້ອອັນດີງາມ “ກິນເຂົ້າຄິດຮອດຄຸນນາ ກິນປາຄິດຮອດຄຸນນ້ຳ” ຂອງຊົນຊາດຫວຽດນາມ, ຕອບບຸນແທນຄຸນບັນດານັກຮົບທີ່ໄດ້ເສຍສະຫຼະຊີວິດໃຫ້ແກ່ພາລະກິດປະຕິວັດອັງສູງສົ່ງຂອງສອງຊາດ, ປະກອບສ່ວນຊຸກຍູ້ສາຍພົວພັນມິດຕະພັບແບບພິເສດ ແລະການຮ່ວມມືຮອບດ້ານລະຫວ່າງສອງພັກ, ສອງລັດ ແລະປະຊາຊົນສອງປະເທດຫວຽດນາມ-ລາວ.
|
|
ການນໍາແຂວງຮ່າຕິ້ງ ເຂົ້າຮ່ວມພິທີສູດໄຊຍະມຸງຄຸນ. ພາບ: baohatinh.vn. |
|
|
ພິທີສູດໄຊຍະມຸງຄຸນ ຢູ່ສຸສານນັກຮົບເສຍສະຫຼະຊີວິດເພື່ອຊາດແຫ່ງຊາດເນິ່ມ. ພາບ: baohatinh.vn. |
|
|
ຜູ້ຕາງໜ້ານະຄອນຫຼວງວຽງຈັນ, ແຂວງບໍລິຄໍາໄຊ (ລາວ), ການນໍາບາງພະແນກ, ຄະນະ, ຂະແໜງການ, ອໍານາດການປົກຄອງ ເຂົ້າຮ່ວມ... ພາບ: baohatinh.vn. |
|
|
ບັນດາຜູ້ຕາງໜ້າເຂົ້າຮ່ວມພິທີສູດໄຊຍະມຸງຄຸນ ຖະຫວາຍທູບທຽນອາໄລຫາບັນດາທະຫານອາສາສະໝັກ ແລະຊ່ຽວຊານຫວຽດນາມທີ່ເສຍສະຫຼະຊີວິດໃນປາງສົງຄາມຢູ່ລາວ. ພາບ: baohatinh.vn. |
|
|
ພາຍຫຼັງ 40 ກວ່າປີທີ່ເສຍສະຫຼະຊີວິດຢູ່ລາວ, ອັດຖິທະຫານອາສາສະໝັກ ແລະຊ່ຽວຊານຫວຽດນາມທີ່ເສຍສະຫຼະຊີວິດເພື່ອໜ້າທີ່ສາກົນອັງສູງສົ່ງຈໍານວນ 7 ຊຸດໄດ້ກັບເມືອບ້ານເກີດເມືອງນອນ. ພາບ: baohatinh.vn. |
|
|
ພິທີສູດໄຊຍະມຸງຄຸນໄດ້ດໍາເນີນຢ່າງເຄັ່ງຂຶມ ແລະເຄົາລົບນັບຖື... ພາບ: baohatinh.vn. |
|
|
ພາຍໃຕ້ການເປັນປະທານຂອງພະອາຈານ ທິກແຮ້ງເຍິ໊ນ, ຮອງຫົວໜ້າຄະນະບໍລິຫານງານສະມາຄົມພຸດທະສາສະໜາແຂວງຮ່າຕິ້ງ. ພາບ: baohatinh.vn. |
|
|
ບັນດາພຸດທະສາສະນິກກະຊົນເຂົ້າຮ່ວມພິທີສູດໄຊຍະມຸງຄຸນ. ພາບ: baohatinh.vn. |
|
|
ຜູ້ຕາງໜ້ານະຄອນຫຼວງວຽງຈັນ, ແຂວງບໍລິຄໍາໄຊ (ລາວ)... ພາບ: baohatinh.vn. |
|
|
... ແລະປະຊາຊົນເປັນຈໍານວນຫຼວງຫຼາຍໄດ້ຖະຫວາຍທູບທຽນອາໄລຫາບັນດາວິລະຊົນທະຫານອາສາສະໝັກ ແລະຊ່ຽວຊານຫວຽດນາມທີ່ເສຍສະຫຼະຊີວິດໃນປາງສົງຄາມຢູ່ລາວ. ພາບ: baohatinh.vn. |
ໂດຍ: ທະນາພອນ