ອິດ​ສະ​ຣາ​ແອັນ ສືບ​ຕໍ່​ສູ້​ຮົບ​ຢູ່ 4 ສະ​ໜາມ​ຮົບ, ເຮັດ​ໃຫ້​ມີ​ຜູ້​ເສ​ຍ​ຊີ​ວິດ ແລະບາດ​ເຈັບ ຢ່າງ​ໜັກ​ໜ່ວງ​ຢູ່ ເຂດ ກາ​ຊາ ແລະເຢ​ແມນ

ທະຫານ ອິດສະຣາແອັນ ຢູ່ຊາຍແດນ ອິດສະຣາແອັນ - ກາຊາ, ວັນທີ 26 ສິງຫາ 2025. ພາບ:  REUTERS

ຕາມແຈ້ງການຂອງອົງການສາທາລະນະສຸກ ກາຊາ ໃຫ້ຮູ້ວ່າ ວັນທີ 29 ສິງຫາ, ກອງທັບ ອິດສະຣາແອັນ ສືບຕໍ່ດຳເນີນຫຼາຍບັ້ນບຸກໂຈມຕີທັງທາງອາກາດ ແລະທາງບົກເຂົ້າຫຼາຍບໍລິເວນທີ່ແຕກຕ່າງກັນຢູ່ເຂດ ກາຊາ, ຈຸດສຸມແມ່ນນະຄອນ ກາຊາ. ໄລ່ຮອດຕອນຄ່ຳວັນທີ 29 ສິງຫາ, ທົ່ວເຂດ ກາຊາ ມີ 48 ຄົນເສຍຊີວິດ ແລະ ປະມານ 150 ຄົນຖືກບາດເຈັບ.

ກໍໃນວັນດຽວກັນ, ກອງທັບອິດສະຣາແອັນ ໄດ້ເປີດບັ້ນບຸກໂຈມຕີເຂົ້າສະໜາມຮົບ ລີບັງ, ເລັ່ງໃສ່ເປົ້າໝາຍແມ່ນສະມາຊິກຂັ້ນສູງຂອງຂະບວນການ ເຮັກໂບລາ.

ພິເສດ, ສຳລັບສະໜາມຮົບ ເຢແມນ, ກອງທັບອິດສະຣາແອັນ ໄດ້ບຸກໂຈມຕີທາງອາກາດເຮັດໃຫ້ມີເຈົ້າໜ້າທີ່ຂັ້ນສູງຫຼາຍຄົນຂອງກຳລັງ ຮູທີ ຢູ່ນະຄອນ Sanaa ໃນວັນທີ 28 ສິງຫາ ເສຍຊີວິດ ແລະ ຮັບບາດເຈັບ.

ແຫຼ່ງຄັດຈາກ: vovworld.vn