ຄວາມ​ເຄັ່ງ​ຕຶງ ເຮ​ໂບ​ລາ - ອິດ​ສະ​ຣາ​ແອັນ: ອິດ​ສະ​ຣາ​ແອັນ ດຳ​ເນີນ​ບັ້ນ​ບຸກ​ໂຈມ​ຕີ​ທາງ​ອາ​ກາດ​ຄັ້ງ​ໃໝ່​ເລັ່ງ​ໃສ່​ໃຈ​ກາງ​ນະ​ຄອນຫຼວງ Beirut ຂອງ ລີ​ບັງ

ເທດສະບານ Khiyam, ລີບັງ ພາຍຫຼັງບັ້ນບຸກໂຈມຕີທາງອາກາດຂອງວັນທີ 30 ກັນຍາ. ພາບ: ສໍານັກຂ່າວສານຫວຽດນາມ

ຕາມກະຊວງສາທາລະນະສຸກສາທາລະນະລີບັງ ແລ້ວ, ເຫດບຸກໂຈມຕີທາງອາກາດນີ້ໄດ້ເຮັດໃຫ້ມີຜູ້ເສຍຊີວິດຢ່າງໜ້ອຍສຸດ 5 ຄົນ ແລະ 11 ຄົນໄດ້ຮັບບາດເຈັບ, ເຊິ່ງກ່ອນໜ້ານັ້ນ, ອິດສະຣາແອັນ ກໍໄດ້ດຳເນີນບັ້ນບຸກໂຈມຕີທາງອາກາດເລັ່ງໃນເຂດ Haret Hreik ຢູ່ເຂດຊານເມືອງທາງທິດໃຕ້ Beirut. ກອງທັບອິດສະຣາແອັນ ໄດ້ຮຽກຮ້ອງໃຫ້ປະຊາຊົນຢູ່ເຂດດັ່ງກ່າວຕ້ອງຍົກຍ້າຍໄປຍັງບ່ອນປອດໄພພາຍຫຼັງທີ່ຖະແຫຼງວ່າ ຈະຜັນຂະຫຍາຍບັ້ນບຸກໂຈມຕີຄັ້ງຕ່າງໆເລັ່ງໃສ່ຮາກຖານຂອງກຳລັງ ເຮໂບລາ ຢູ່ ລີບັງ ຕື່ມອີກ.

ຕອນຄ່ຳວັນທີ 2 ຕຸລາ, ທ່ານ Najib Mikati ນາຍົກລັດຖະມົນຕີຊົ່ວຄາວລີບັງ ໄດ້ກ່າວຫາບັນດາບັ້ນບຸກໂຈມຕີຂອງ ອິດສະຣາແອັນ ເລັ່ງໃສ່ປະເທດນີ້ເຮັດໃຫ້ປະຊາຊົນ 1,2 ລ້ານຄົນ ຕ້ອງໄປລີ້ໄພ. ທ່ານຮຽກຮ້ອງໃຫ້ປະຕິບັດຄຳສັ່ງຢຸດຍິງລະຫວ່າງກອງທັບ ອິດສະຣາແອັນ ແລະ ເຮໂບລາ, ຢຸດຕິການນອງເລືອດ ແລະ ການມ້າງພັງປະເທດລີບັງ ໃນທັນທີ.

ແຫຼ່ງຄັດຈາກ: vovworld.vn