ສ.ເກົາຫຼີ ແລະ ອາເມລິກາ ຂຶ້ນແຜນຊ້ອມຮົບຍິງດ້ວຍລູກປືນແທ້ ໃນຂອບຂະໜາດໃຫຍ່
ວັນທີ 22 ມີນາ, ກະຊວງປ້ອງກັນປະເທດ ສ.ເກົາຫຼີ ໄດ້ແຈ້ງໃຫ້ຊາບວ່າ ປະເທດນີ້ ແລະ ອາເມລິກາ ມີແຜນການຊ້ອມຮົບຮ່ວມດ້ວຍການຍິງລູກປືນແທ້ “ຂອບຂະໜາດໃຫຍ່ສຸດນັບແຕ່ກ່ອນມາຮອດປັດຈຸບັນ” ໃນເດືອນ ມິຖຸນາ ຈະມາເຖິງ, ເໝືອນວ່າເປັນສ່ວນໜຶ່ງໃນລາຍການສະເຫຼີມສະຫຼອງວັນສ້າງຕັ້ງສາຍພົວພັນສຳພັນທະມິດ ຄົບຮອບ 70 ປີ (1953 – 2023).
ຕາມກະຊວງປ້ອງກັນປະເທດ ສ.ເກົາຫຼີ ແລ້ວ, ແຜນການດັ່ງກ່າວໄດ້ສ້າງຂຶ້ນເພື່ອເພີ່ມທະວີຄວາມຜູກພັນລະຫວ່າງສອງປະເທດສຳພັນທະມິດ, ສະແດງທ່າໄດ້ປຽບທາງດ້ານເຕັກໂນໂລຢີຂອງສອງກຳລັງກອງທັບ. ຄາດວ່າ, ສອງປະເທດ ຈະລະດົມອຸປະກອນການທະຫານເຕັກໂນໂລຢີສູງ ເພື່ອແນໃສ່ຢັ້ງຢືນກຳລັງແຮງທາງດ້ານອາວຸດ ແລະ ຄວາມສາມາດຈັດສົ່ງກຳລັງຂອງສຳພັນທະມິດ.
ແຫຼ່ງຄັດຈາກ: vovworld.vn