ການພົບປະສຸດຍອດລະຫວ່າງ ລັດເຊຍ-ອາເມລິກາ ອາດຈະຊ່ວຍສ້າງການສົນທະນາ
ວັນທີ 13 ມິຖຸນາ, ສຳນັກຂ່າວສານ Interfax ໄດ້ຄັດສະເໜີຄຳເວົ້າຂອງທ່ານປະທານາທິບໍດີລັດເຊຍ Vladimir Putin ໂດຍໃຫ້ຮູ້ວ່າ ທ່ານຫວັງວ່າການພົບປະສຸດຍອດກັບຄູ່ຕຳແໜ່ງອາເມລິກາ Joe Biden ທີ່ຈະດຳເນີນໃນວັນທີ 16 ມິຖຸນາ ຈະສ້າງໄດ້ການສົນທະນາລະຫວ່າງສອງປະເທດ ແລະຟື້ນຟູບັນດາສາຍສຳພັນສ່ວນບຸກຄົນຄືນໃໝ່. ການນຳລັດເຊຍ ປາດຖະໜາວ່າ ໃນການພົບປະກັບທ່ານປະທານາທິບໍດີອາເມລິກາ ໃນຄັ້ງຈະມາເຖິງນີ້ ຢ່າງໜ້ອຍສຸດກໍຈະສ້າງເງື່ອນໄຂໃຫ້ແກ່ບັນດາການເຈລະຈາກ່ຽວກັບບັນດາບັນຫາຄວາມໝັ້ນຄົງ, ລວມທັງການຜັນຂະຫຍາຍລະບົບການທະຫານ.