ຄວາມປະເອີບໃຈຕໍ່ເສດຖະກິດລາວ ປີ 2019
ກປ.ອອນໄລ - ວັນທີ 12 ສິງຫາ, ທະນາຄານໂລກ (WB) ປະກາດບົດລາຍງານໃຫ້ຮູ້ວ່າ, ພື້ນຖານເສດຖະກິດລາວ ປີ 2019 ຄາດຄະເນວ່າມີລະດັບການເຕີບໂຕ 6,5%, ສູງກວ່າລະດັບ 6,3% ຂອງປີ 2018 ເຊິ່ງ WB ເຄີຍຄາດຄະເນກ່ຽວກັບພື້ນຖານເສດຖະກິດຂອງລາວ.
WB ຖືວ່າ, ເສດຖະກິດລາວ ປີນີ້ມີລະດັບການເຕີບໂຕສູງກວ່າເມື່ອທຽບໃສ່ປີກາຍ ຍ້ອນຂະແໜງກໍ່ສ້າງ ແລະບໍລິການພວມນັບມື້ນັບພັດທະນາ. ມີວຽກງານຈຳນວນໜຶ່ງທີ່ລັດຖະບານລາວ ຄວນສຸມໃສ່ປັບປຸງນັ້ນແມ່ນບັນລຸລາຍຮັບງົບປະມານ, ຫຼຸດຜ່ອນໜີ້ສາທາລະນະ, ສົ່ງເສີມການພັດທະນາວິສາຫະກິດພາກເອກະຊົນ.
ບັນດາໂຄງການໃຫຍ່ຂອງຂະແໜງກໍ່ສ້າງທີ່ຊ່ວຍໃຫ້ພື້ນຖານເສດຖະກິດລາວ ສາມາດພັດທະນາແບບຍືນຍົງຢູ່ໃນລະດັບ 6,5% ນັ້ນແມ່ນໂຄງການກໍ່ສ້າງເສັ້ນທາງດ່ວນ ລາວ-ຈີນ, ໂຄງການເສັ້ນທາງດ່ວນ ວຽງຈັນ-ວັງວຽງ ແລະບັນດາໂຄງການກໍ່ສ້າງເຂື່ອນໄຟຟ້ານໍ້າຕົກຢູ່ລາວ ຄືເຂື່ອນໄຟຟ້ານໍ້າຕົກໄຊຍະບຸລີ.
|
|
ປະເທດລາວ ກໍາລັງພັດທະນາໃນທຸກດ້ານ. ພາບ: nhandan.com.vn. |
ເຖິງຢ່າງໃດກໍ່ຕາມ, ພື້ນຖານເສດຖະກິດລາວ ສືບຕໍ່ປະສົບກັບສິ່ງທ້າທາຍຕ່າງໆ, ຄື: ສະກຸນເງິນນຳໃຊ້ທົ່ວໄປໃນທຸລະກຳການຄ້າຢູ່ລາວ ແມ່ນເງິນໂດລາສະຫະລັດ ແລະເງິນບາດຂອງໄທ ນັບມື້ນັບແຮງ; ການຊໍາລະບັນດາບ້ວງໜີ້ລັດຖະບານ ຄວນໄດ້ຮັບການປະຕິບັດໃຫ້ສອດຄ່ອງກັບຄວາມຕ້ອງການທຶນຂອງພື້ນຖານເສດຖະກິດ; ໂລກລະບາດຄວນໄດ້ຮັບການຄວບຄຸມເປັນຢ່າງດີ. ເຮັດໄດ້ຄືແນວນັ້ນ, ລາວ ຈຶ່ງອາດຈະບັນລຸໄດ້ຄາດໝາຍ GDP ສະເລ່ຍໃສ່ຫົວຄົນແມ່ນ 2.726 ໂດລາສະຫະລັດ ໃນປີນີ້, ສ້າງທ່າພັດທະນາໃຫ້ຊຸມປີຕໍ່ໄປ.
ໂດຍ: ທູຈາງ