ກອງປະຊຸມປຶກສາຫາລືລວມອາຊຽນ ແລະກອງປະຊຸມເຈົ້າໜ້າທີ່ອາວຸໂສອາຊຽນ
ກປ.ອອນໄລ - ໃນລະຫວ່າງວັນທີ 28-29 ພຶດສະພາ, ທີ່ນະຄອນຫຼວງ ບາງກອກ, ປະເທດໄທ ໄດ້ດໍາເນີນກອງປະຊຸມປຶກສາຫາລືລວມອາຊຽນ (JCM) ແລະກອງປະຊຸມເຈົ້າໜ້າທີ່ອາວຸໂສ (SOM) ອາຊຽນ. ນີ້ແມ່ນບັນດາກອງປະຊຸມປະຈໍາໄລຍະຂອງບັນດາເຈົ້າໜ້າທີ່ອາວຸໂສອາຊຽນ, ພ້ອມທັງແມ່ນໂອກາດທີ່ສໍາຄັນ ເພື່ອໃຫ້ບັນດາປະເທດແລກປ່ຽນວຽກງານກະກຽມໃຫ້ກອງປະຊຸມເຈົ້າໜ້າທີ່ອາວຸໂສອາຊຽນ ຄັ້ງທີ 34 ເຊິ່ງຈະດໍາເນີນທີ່ປະເທດໄທ ໃນເດືອນ ມິຖຸນາ 2019.
|
|
ທ່ານ ຫງວຽນກ໊ວກຢູງ ຮອງລັດຖະມົນຕີກະຊວງການຕ່າງປະເທດຫວຽດນາມ ກ່າວຄໍາເຫັນທີ່ກອງປະຊຸມ. ພາບ: ແມ້ງຮຸ່ງ. |
ທ່ານ ຫງວຽນກ໊ວກຢູງ ຮອງລັດຖະມົນຕີກະຊວງການຕ່າງປະເທດ, ຫົວໜ້າ SOM ອາຊຽນຫວຽດນາມ ນໍາໜ້າຄະນະຫວຽດນາມ ເຂົ້າຮ່ວມບັນດາກອງປະຊຸມ. ກ່າວຄໍາເຫັນທີ່ບັນດາກອງປະຊຸມ, ທ່ານ ຫງວຽນກ໊ວກຢູງ ຢັ້ງຢືນວ່າ, ຫວຽດນາມ ຕັ້ງໜ້າສະໜັບສະໜູນ ແລະຈະສົມທົບກັນຢ່າງແໜ້ນແຟ້ນພ້ອມກັບບັນດາປະເທດອາຊຽນ ຜັນຂະຫຍາຍສໍາເລັດບັນດາບຸລິມະສິດ, ຈຸດສຸມທີ່ໄດ້ວາງອອກໃນປີ 2019, ແນໃສ່ມຸ່ງໄປເຖິງການກໍ່ສ້າງອາຊຽນ ໃຫ້ໝັ້ນຄົງ, ສະໜິດຕິດພັນ ແລະມີຄວາມສາມາດແທດເໝາະກັບການຫັນປ່ຽນຢູ່ພາກພື້ນ ແລະໃນໂລກ.
|
|
ບັນດາຫົວໜ້າຄະນະເຂົ້າຮ່ວມກອງປະຊຸມປຶກສາຫາລືລວມອາຊຽນ ແລະກອງປະຊຸມເຈົ້າໜ້າທີ່ອາວຸໂສອາຊຽນ. ພາບ: ແມ້ງຮຸ່ງ. |
ໃນບົດບາດເປັນປະເທດປະສານງານການພົວພັນອາຊຽນ-ຍີ່ປຸ່ນ ໄລຍະ 2018-2021, ທ່ານ ຫງວຽນກ໊ວກຢູງ ໄດ້ແຈ້ງໃຫ້ຊາບ ແລະເຊີນບັນດາປະເທດອາຊຽນ ຕັ້ງໜ້າເຂົ້າຮ່ວມສອງກິດຈະກຳທີ່ສໍາຄັນໂດຍ ຫວຽດນາມ ແລະຍີ່ປຸ່ນ ເປັນປະທານຮ່ວມໃນລະຫວ່າງວັນທີ 3-4 ມິຖຸນາ 2019, ທີ່ຮ່າໂນ້ຍ, ເຊິ່ງລວມມີ: ເວທີປາໄສອາຊຽນ-ຍີ່ປຸ່ນ (ການເຈລະຈາປະຈໍາປີ SOM) ຄັ້ງທີ 34 ແລະກອງປະຊຸມຫົວເລື່ອງສະເພາະກ່ຽວກັບການພົວພັນຮ່ວມມືອາຊຽນ-ຍີ່ປຸ່ນ ເພື່ອຄວາມວັດທະນາຖາວອນຕາມຂໍ້ລິເລີ່ມວັນອາຊຽນ-ຍີ່ປຸ່ນ ຢູ່ ຫວຽດນາມ ຂອງທ່ານ Shinzo Abe ນາຍົກລັດຖະມົນຕີຍີ່ປຸ່ນ. ທ່ານ ຫງວຽນກ໊ວກຢູງ ກໍ່ເຈາະຈີ້ມບາງຂໍ້ສະເໜີກ່ຽວກັບການປັບປຸງ, ຍົກສູງປະສິດທິຜົນການເຄື່ອນໄຫວຂອງບັນດາກົນໄກ, ເວທີປາໄສຂອງອາຊຽນ.
ໂດຍ: ເກື່ອງດັ້ງ