ກອງປະຊຸມວົງແຄບບັນດາລັດຖະມົນຕີເສດຖະກິດອາຊຽນ (AEM Retreat) ຄັ້ງທີ 25
ກປ.ອອນໄລ - ວັນທີ 23 ເມສາ, ບັນດາລັດຖະມົນຕີເສດຖະກິດອາຊຽນ ໄດ້ລົງນາມໃນສັນຍາການຄ້າການບໍລິການອາຊຽນ (ATISA) ແລະອະນຸສັນຍາທີ 4 ວ່າດ້ວຍປັບປຸງສັນຍາການລົງທຶນຮອບດ້ານອາຊຽນ (ACIA) ແນໃສ່ຊຸກຍູ້ການເຊື່ອມໂຍງຢູ່ພາກພື້ນ ແລະດຶງດູດບັນດານັກລົງທຶນຕ່າງປະເທດ.
ເອກະສານສອງສະບັບນີ້ໄດ້ລົງນາມໃນຂອບເຂດກອງປະຊຸມວົງແຄບບັນດາລັດຖະມົນຕີເສດຖະກິດອາຊຽນ (AEM Retreat) ຄັ້ງທີ 25 ດໍາເນີນໃນລະຫວ່າງວັນທີ 22-23 ຢູ່ພູເກດ, ປະເທດໄທ.
|
|
ທ່ານ ເຈິ່ນກວ໊ກແຄ໊ງ, ຮອງລັດຖະມົນຕີກະຊວງອຸດສາຫະກຳ ແລະການຄ້າ ລົງນາມໃນສັນຍາການຄ້າການບໍລິການອາຊຽນ (ATISA). ພາບ: ສໍານັກຂ່າວສານຫວຽດນາມ. |
ສັນຍາ ATISA ມີຜົນສັກສິດພາຍຫຼັງລົງນາມເປັນເວລາ 180 ວັນ, ຈະຊ່ວຍຍົກສູງບັນດາມາດຕະຖານ ແລະຜົນສັກສິດຂອງບັນດາຂໍ້ກຳນົດກ່ຽວກັບການບໍລິການຢູ່ບັນດາປະເທດສະມາຊິກອາຊຽນ, ຫຼຸດຜ່ອນບັນດາຮົ້ວກີດຂວາງດ້ານການຄ້າລົງ, ພ້ອມທັງຍົກສູງຄວາມໂປ່ງໃສໃນການປະຕິບັດການຄ້າການບໍລິການລະຫວ່າງບັນດາປະເທດອາຊຽນ. ໃນຂະນະນັ້ນ, ອະນຸສັນຍາທີ 4 ວ່າດ້ວຍປັບປຸງ ACIA ຈະຊ່ວຍດຶງດູດບັນດານັກລົງທຶນຕ່າງປະເທດເຂົ້າມາລົງທຶນຢູ່ພາກພື້ນອາຊຽນ ຫຼາຍຕື່ມອີກ.
|
|
ບັນດາລັດຖະມົນຕີເສດຖະກິດອາຊຽນ ຖ່າຍຮູບເປັນທີ່ລະນຶກພາຍຫຼັງພິທີລົງນາມໃນເອກະສານທີ 2, ອະນຸສັນຍາທີ 4 ວ່າດ້ວຍປັບປຸງສັນຍາການລົງທຶນຮອບດ້ານອາຊຽນ (ACIA). ພາບ: ສໍານັກຂ່າວສານຫວຽດນາມ. |
ທ່ານ ເຈິ່ນກວ໊ກແຄ໊ງ, ຮອງລັດຖະມົນຕີກະຊວງອຸດສາຫະກຳ ແລະການຄ້າ ໃຫ້ຮູ້ວ່າ, ທີ່ກອງປະຊຸມ, ຫວຽດນາມ ຍົກອອກຫຼາຍຄຳເຫັນທີ່ຕັ້ງໜ້າ, ໄດ້ຮັບການຊົມເຊີຍຈາກປະເທດຕ່າງໆ. ຫຼາຍປະເທດໄດ້ຮັບເອົາບາງຂໍ້ສະເໜີ ແລະຈົດໃສ່ບົດບັນທຶກກອງປະຊຸມ. ນອກກອງປະຊຸມ, ຄະນະຫວຽດນາມ ກໍ່ໄດ້ມີການພົບປະສອງຝ່າຍກັບຄະນະອິນໂດເນເຊຍ ເພື່ອປຶກສາຫາລືກ່ຽວກັບບາງບັນຫາແນໃສ່ຊຸກຍູ້ການຄ້າລະຫວ່າງສອງຝ່າຍ.
ໂດຍ: ເຈິ່ນຮວ່ຽນ