ກໍາປັ່ນສະໜາມບິນ ອາເມລິກາ ເດີນທາງໄປຍັງເຂດອາເມລິກາ ລາຕິນ ເພື່ອສະກັດກັ້ນການຊື້ຂາຍຢາເສບຕິດ
ວັນທີ 11 ພະຈິກ, ມີກຸ່ມສູ້ຮົບກໍາປັ່ນສະໜາມບິນຂອງທະຫານອາກາດ ອາເມລິກາ ໄດ້ເດີນທາງໄປຍັງ ອາເມລິກາ ລາຕິນ, ໃນສະພາບການອຳນາດການປົກຄອງ ທ່ານ Donald Trump ປະທານາທິບໍດີ ອາເມລິກາ ພວມເພີ່ມທະວີການເຄື່ອນໄຫວດ້ານການທະຫານ ແນໃສ່ສະກັດກັ້ນບັນດາເສັ້ນທາງຊື້ຂາຍຢາເສບຕິດໃນພາກພື້ນນີ້.
ຕາມແຈ້ງການຂອງກອງບັນຊາການກຳລັງທະຫານເຮືອ ອາເມລິກາ ຮັບຜິດຊອບພາກພື້ນ ອາເມລິກາໃຕ້ ແລະກາຣີເບ ແລ້ວ, ກໍາປັ່ນສະໜາມບິນໃຫຍ່ທີ່ສຸດໃນໂລກ ທີ່ມີຊື່ວ່າ USS Gerald R. Ford ໄດ້ເດີນທາງໄປຍັງເຂດຮັບຜິດຊອບຂອງກົມກອງນີ້. ເລື່ອງຜັນຂະຫຍາຍໄດ້ປະຕິບັດຕາມຄຳສັ່ງປະກາດໃຊ້ກ່ອນນີ້ເກືອບ 3 ອາທິດ, ແນໃສ່ໜູນຊ່ວຍບັນດາຄວາມມານະພະຍາຍາມສະກັດກັ້ນການເຄື່ອນໄຫວຊື້ຂາຍຢາເສບຕິດໃນພາກພື້ນນີ້.
ປັດຈຸບັນ, ອຳນາດການປົກຄອງຂອງ ທ່ານ Donald Trump ພວມດຳເນີນບັ້ນຮົບການທະຫານເປີດກວ້າງຢູ່ເຂດ ກາຣີເບ ແລະທາງທິດຕາເວັນອອກ ປາຊີຟິກ, ຜັນຂະຫຍາຍກຳລັງທະຫານເຮືອ ແລະທະຫານອາກາດ, ແນໃສ່ສືບສວນບັນດາກໍາປັ່ນ ເຊິ່ງ ອາເມລິກາ ກ່າວຫາວ່າຂົນສົ່ງຢາເສບຕິດ.
ແຫຼ່ງຄັດຈາກ: vovworld.vn