IMF ຍົກລະດັບການຄາດຄະເນອັດຕາການເຕີບໂຕເສດຖະກິດໂລກ ໃນປີ 2024
ໃນບົດລາຍງານແງ່ຫວັງເສດຖະກິດໂລກ ສະບັບປະກາດໃນວັນທີ 16 ເມສາ, ກອງທຶນເງິນຕາສາກົນ (IMF) ຄາດຄະເນລະດັບການເຕີບໂຕເສດຖະກິດທົ່ວໂລກ ປີ 2024 ຈະບັນລຸ 3,2% ເຊິ່ງເພີ່ມຂຶ້ນ 0,1% ເມື່ອທຽບໃສ່ອັດຕາທີ່ໄດ້ຄາດຄະເນໃນເດືອນມັງກອນຜ່ານມາ. ລະດັບການເຕີບໂຕເສດຖະກິດປີ 2025 ອາດຈະຢູ່ໃນລະດັບ 3,2%.
    |
 |
|
ອົງການ IMF ຢູ່ Washington, DC, ອາເມລິກາ. ພາບ: AFP |
ໄພເງິນເຟີ້ ໄດ້ຮັບການຄາດຄະເນວ່າ ຈະຫຼຸດລົງແຕ່ 5,9% ໃນປີນີ້ ລົງເຫຼືອພຽງ 4,5% ໃນປີໜ້າ, ຍ້ອນອັດຕາດອກເບ້ຍເພີ່ມຂຶ້ນຢູ່ຫຼາຍປະເທດໃນໂລກ. ບົດລາຍງານຂອງ IMF ຊີ້ໃຫ້ເຫັນຄວາມແຕກຕ່າງກັນຢ່າງຈະແຈ້ງກ່ຽວກັບແງ່ຫວັງການເຕີບໂຕຂອງບັນດາພື້ນຖານເສດຖະກິດພັດທະນາ. ອົງການການເງິນນີ້ຄາດຄະເນວ່າ ລະດັບການເຕີບໂຕເສດຖະກິດອາເມລິກາ 2024 ນີ້ ບັນລຸ 2,7% ສູງກວ່າ ລະດັບ 2,1% ທີ່ໄດ້ຍົກອອກເມື່ອເດືອນມັງກອນ.
ໃນຂະນະນັ້ນ, IMF ຍັງຮັກສາລະດັບຄາດຄະເນອັດຕາເຕີບໂຕເສດຖະກິດຂອງ ຈີນ, ພື້ນຖານເສດຖະກິດໃຫຍ່ອັນດັບ 2 ໃນໂລກ ແມ່ນ 4,6% ໃນປີ 2024 ແລະ 4,1% ໃນປີໜ້າ.
ແຫຼ່ງຄັດຈາກ: vovworld.vn