ການເຈລະຈາສັນຕິພາບລະຫວ່າງ ລັດເຊຍ ແລະ ຢູແກຼນ ຍັງດຳເນີນໄປແບບທາງໄກ. ວັນທີ 09 ພຶດສະພາ, ທ່ານຫົວໜ້າຄະນະເຈລະຈາລັດເຊຍ Vladimir Medinsky ໃຫ້ຮູ້ວ່າ ເພື່ອໃຫ້ດຳເນີນການເຈລະຈາທາງໄກ, ລັດເຊຍ ຕ້ອງການີຫຼາຍຂໍ້ສະເໜີລະອຽດກວ່າຈາກຝ່າຍ ຢູແກຼນ.
ໃນວັນດຽວກັນ, ທ່ານນາງ Ursula von der Leyen, ປະທານຄະນະກຳມະການເອີລົບ (EC) ໄດ້ແຈ້ງໃຫ້ຊາບວ່າ, EC ຈະມີຄຳຕອບກ່ຽວກັບຂໍ້ສະເໜີເຂົ້າເປັນສະມາຊິກ ອີຢູ ຂອງ ຢູແກຼນ ໃນເດືອນ ມິຖຸນາ, ນີ້ແມ່ນບາດກ້າວສຳຄັນກ່ອນທີ່ບັນດາສະມາຊິກໃນກຸ່ມປຶກສາຫາລືກ່ຽວກັບບັນຫານີ້. ໃນສື່ສັງຄົມອອນລາຍ Twitter, ທ່ານນາງ Ursula von der Leyen ໃຫ້ຮູ້ວ່າ ໄດ້ມີການແລກປ່ຽນຄຳເຫັນກັບທ່ານປະທານາທິບໍດີ ຢູແກຼນ Volodymyr Zelensky ແລະ ພວມລໍຖ້າຄຳຕອບກ່ຽວກັບບັນຫາ ຢູແກຼນ ຂໍເຂົ້າເປັນສະມາຊິກ ອີຢູ. ທ່ານນາງຢັ້ງຢືນວ່າ EC ຈະຍົກອອກທັດສະນະກ່ຽວກັບບັນຫາດັ່ງກ່າວໃນເດືອນ ມິຖຸນາ ຈະມາເຖິງ.
ແຫຼ່ງຄັດຈາກ vovworld.vn
Type the code from the image