ນໍ້າຖ້ວມຢູ່ ອິນເດຍ-ເນປານ ເຮັດໃຫ້ເສຍຊີວິດ 100 ກວ່າຄົນ
ວັນທີ 20 ຕຸລາ, ສຳນັກງານປ້ອງກັນ ແລະບັນເທົາສາທາລະນະໄພຂອງ ອິນເດຍ ລາຍງານ ວ່າ:
ສະຖານະການອຸທົກກະໄພ ໃນປະເທດລະບຸວ່າ ເມື່ອບໍ່ດົນມານີ້, ລັດອຸດຕຣາຊັນ ທາງພາກເໜືອຂອງ ອິນເດຍ ໄດ້ມີຜູ້ເສຍຊີວິດ 46 ຄົນ ແລະສູນຫາຍອີກ 11 ຄົນ. ໂດຍສະເພາະ ລັດເກຣລະ ຊຶ່ງຕັ້ງຢູ່ແຄມຝັ່ງທາງພາກຕາເວັນຕົກ ມີຜູ້ເສຍຊີວິດສະສົມຢ່າງໜ້ອຍ 39 ຄົນ ນັບແຕ່ອາທິດຜ່ານມາ. ປັດຈຸບັນ, ຫລາຍພື້ນທີ່ພາຍໃນປະເທດໄດ້ມີປະລິມານນໍ້າຝົນສະສົມຫລາຍກວ່າ 400 ມິນລິແມັດ ນັບຕັ້ງແຕ່ວັນຈັນ ຜ່ານມາ, ພ້ອມກັນນັ້ນ ຍັງປະກາດເຕືອນໃຫ້ປະຊາຊົນກຽມຄວາມພ້ອມ ເພື່ອຮັບມືກັບການເກີດດິນເຈື່ອນ ແລະນໍ້າຖ້ວມຮຸນແຮງ.
ແຫຼ່ງຄັດຈາກ: kpl.gov.la