NATO ຖະແຫຼງສືບຕໍ່ໜູນຊ່ວຍ ອາບການິດສະຖານ
ວັນທີ 27 ກໍລະກົດ, ທ່ານເລຂາທິການໃຫຍ່ອົງການສົນທິສັນຍາອັກລັງຕິກເໜືອ (NATO) Jens Stoltenberg ໃຫ້ຮູ້ວ່າ ທ່ານຫາກໍ່ມີການປຶກສາຫາລືກັບທ່ານປະທານາທິບໍດີອາບການິດສະຖານ Ashraf Ghani ເພື່ອແນໃສ່ຢັ້ງຢືນຄືນໃໝ່ວ່າ ອົງການສຳພັນທະມິດການທະຫານນີ້ ຈະສືບຕໍ່ໜູນຊ່ວຍອາບການິດສະຖານ.
ທ່ານ Stoltenberg ຖືວ່າ ອາບການິດສະຖານ ພວມຕ້ອງປະເຊີນໜ້າກັບສະພາບການຄວາມໝັ້ນຄົງປະສົບກັບສິ່ງທ້າທາຍຫຼາຍຢ່າງເມື່ອກອງທັບຕ່າງປະເທດຖອນຕົວອອກຈາກປະເທດນີ້, ພ້ອມທັງຮຽກຮ້ອງໃຫ້ມີວິທີການແກ້ໄຂໂດຍຜ່ານການເຈລະຈາກັບຕາລີບານ. ທ່ານກໍໃຫ້ຮູ້ວ່າ ນາໂຕຈະສືບຕໍ່ໜູນຊ່ວຍອາບການິດສະຖານ, ລວມທັງດ້ານການເງິນ, ພົນລະເຮືອນ ແລະການບຳລຸງກໍ່ສ້າງຢູ່ຕ່າງປະເທດ.
    |
 |
|
ພົນທະຫານ NATO ປະຈຳການຢູ່ Kabul, ອາບການິດສະຖານ ໃນວັນທີ 31 ພຶດສະພາ 2019. ພາບ: ສໍານັກຂ່າວສານຫວຽດນາມ. |
ໃນເຫດການໜຶ່ງທີ່ກ່ຽວຂ້ອງ, ວັນທີ 27 ກໍລະກົດ, ລັດເຊຍ ແຈ້ງໃຫ້ຊາບວ່າ ພົນທະຫານປະມານ 1.000 ຄົນຂອງປະເທດນີ້ຈະເຂົ້າຮ່ວມການຊ້ອມຮົບຮ່ວມຢູ່ຕັດຈິກິດສະຖານ ໃນອາທິດໜ້າຢູ່ເຂດໃກ້ກັບຊາຍແດນອາບການິດສະຖານ. ການຊ້ອມຮົບດັ່ງກ່າວຈະດຳເນີນໃນລະຫວ່າງວັນທີ 5 ຫາວັນທີ 10 ສິງຫາ ໃນສະພາບການທີ່ຄວາມສະຫງົບຂອງອາບການິດສະຖານ ນັບມື້ນັບຂາດສະຖຽນລະພາບ.
ແຫຼ່ງຄັດຈາກ: vovworld.vn