ພະຍາດໂຄວິດ - 19 ເຮັດໃຫ້ມີຜູ້ເສຍຊີວິດເກືອບ 3,4 ລ້ານຄົນ
ຕາມເວັບໄຊສະຖິຕິ worldometers.info ແລ້ວ, ໄລ່ຮອດເວລາ 1 ໂມງເຊົ້າຂອງວັນທີ 17 ພຶດສະພາ (ຕາມເວລາ UTC), ທົ່ວໂລກມີຜູ້ຕິດເຊື້ອພະຍາດໂຄວິດ - 19 ລວມທັງໝົດ 163.705.744 ຄົນ, ໃນນັ້ນ, ມີຜູ້ເສຍຊີວິດ ເກືອບ 3,4 ລ້ານຄົນ. ປັດຈຸບັນ, ມີຜູ້ຕິດເຊື້ອພະຍາດໂຄວິດ - 19 ເກືອບ 142 ລ້ານຄົນ ໄດ້ຮັບການປິ່ນປົວຫາຍດີແລ້ວ. ອາເມລິກາ, ອິນເດຍ, ບຣາຊິນ, ອັງກິດ ແລະ ຝລັ່ງ… ແມ່ນບັນດາປະເທດຖືກຜົນສະທ້ອນຢ່າງໜັກໜ່ວງທີ່ສຸດຍ້ອນໂລກລະບາດດັ່ງກ່າວ.
ສະເພາະຢູ່ ຫວຽດນາມ, ຕາມຂ່າວພາກເຊົ້າວັນທີ 17 ພຶດສະພາ ຈາກກະຊວງສາທາລະນະສຸກຫວຽດນາມ ໃຫ້ຮູ້ວ່າ, ນັບແຕ່ເວລາ 18 ໂມງຂອງວັນທີ 16 ພຶດສະພາ ຫາເວລາ 6 ໂມງຂອງວັນທີ 17 ພຶດສະພາ, ຫວຽດນາມ ຢັ້ງຢືນມີຜູ້ຕິດເຊື້ອພະຍາດໂຄວິດ - 19 ຕື່ມອີກ 37 ກໍລະນີ ເຊິ່ງລ້ວນແຕ່ແມ່ນບັນດາກໍລະນີທີ່ຢູ່ໃນເຂດແຍກຕົວ ແລະຈຳກັດບໍລິເວນ. ໄລ່ຮອດປັດຈຸບັນ, ຫວຽດນາມ ໄດ້ປິ່ນປົວຜູ້ຕິດເຊື້ອໃຫ້ຫາຍດີ 2.668 ຄົນ ໃນຈຳນວນຜູ້ຕິດເຊື້ອລວມທັງໝົດ 4.190 ຄົນ ແລະ ມີ 37 ຄົນເສຍຊີວິດ.
ແຫຼ່ງຄັດຈາກ: vovworld.vn