ສະຫະປະຊາຊາດປຶກສາຫາລືກ່ຽວກັບສະພາບການຢູ່ມຽນມາ
ກປ.ອອນໄລ - ວັນທີ 26 ກຸມພາ, ສະມັດຊາໃຫຍ່ສະຫະປະຊາຊາດ (ສປຊ) ໄດ້ຈັດຕັ້ງວາລະປະຊຸມບໍ່ເປັນທາງການປຶກສາຫາລືກ່ຽວກັບວິກິດການຢູ່ມຽນມາ ພາຍໃຕ້ການເປັນປະທານຂອງທ່ານ Volkan Bozkir ປະທານສະມັດຊາໃຫຍ່. ທ່ານນາງ Christine Schraner Burgener ທູດພິເສດຂອງເລຂາທິການໃຫຍ່ ສປຊ, ຜູ້ຕາງໜ້າຂອງ 50 ກວ່າປະເທດສະມາຊິກ ສປຊ ແລະ 8 ອົງການຈັດຕັ້ງພາກພື້ນໄດ້ເຂົ້າຮ່ວມ ແລະກ່າວຄໍາເຫັນທີ່ວາລະປະຊຸມ.
|
|
ທ່ານ ດັ້ງດິ່ງກຸ໊ຍ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສະຫະປະຊາຊາດ. ພາບ: vov.vn |
ທີ່ວາລະປະຊຸມ, ທ່ານ ດັ້ງດິ່ງກຸ໊ຍ ເອກອັກຄະລັດຖະທູດ, ຫົວໜ້າຄະນະຜູ້ຕາງໜ້າຫວຽດນາມ ປະຈຳ ສະຫະປະຊາຊາດ ໄດ້ຮຽກຮ້ອງໃຫ້ບັນດາຝ່າຍຢູ່ມຽນມາ ລະງັບໃຈ, ຫຼີກລ່ຽງບໍ່ເຮັດໃຫ້ສະພາບການເຄັ່ງຕຶງຂຶ້ນຕື່ມ ແລະດຳເນີນການສົນທະນາມຸ່ງໄປເຖິງມາດຕະການແກ້ໄຂທີ່ເໝາະສົມ, ສອດຄ່ອງກັບລັດຖະທຳມະນູນ, ກົດໝາຍກໍ່ຄືຄວາມມຸ່ງມາດປາດຖະໜາ ແລະເຈດຈຳນົງຂອງປະຊາຊົນ.
ກໍ່ຕາມທ່ານເອກອັກຄະລັດຖະທູດ ດັ້ງດິ່ງກຸ໊ຍ ແລ້ວ, ປະຊາຄົມສາກົນຄວນໜູນຊ່ວຍ ແລະສ້າງເງື່ອນໄຂສະດວກໃຫ້ແກ່ວິວັດການຫັນປ່ຽນປະຊາທິປະໄຕຢູ່ມຽນມາ; ເຄົາລົບຫຼັກການເອກະລາດ, ອະທິປະໄຕແຫ່ງຊາດ ແລະບໍ່ແຊກແຊງເຂົ້າວຽກງານພາຍໃນຂອງບັນດາປະເທດ; ພ້ອມທັງຮັບປະກັນຄວາມປອດໄພ, ການສໍາຜັດມະນຸດສະທຳ ແລະບັນດາການບໍລິການທີ່ຈຳເປັນໃຫ້ແກ່ປະຊາຊົນມຽນມາ. ທ່ານເອກອັກຄະລັດຖະທູດ ເນັ້ນໜັກວ່າ, ຫວຽດນາມ ປາດຖະໜາວ່າ ມຽນມາ ຈະມີສະຖຽນລະພາບໂດຍໄວ, ເພື່ອການພັດທະນາຂອງມຽນມາ ກໍ່ຄືສັນຕິພາບ, ສະຖຽນລະພາບ, ການຮ່ວມມືໃນພາກພື້ນ ແລະຂະບວນການສ້າງປະຊາຄົມອາຊຽນ.
ໂດຍ: ທະນາພອນ