ສ.ເກົາຫລີ ເລີ່ມສັກວັກຊິນປ້ອງກັນໂຄວິດ-19 ໃຫ້ປະຊາຊົນ
ສ.ເກົາຫລີ ເລີ່ມສັກວັກຊິນປ້ອງກັນໂຄວິດ-19 ໃຫ້ປະຊາຊົນນັບແຕ່ວັນທີ 26 ກຸມພານີ້...
ກະຊວງສາທາລະນະສຸກຂອງ ສ.ເກົາຫລີ ເລີ່ມສັກວັກຊິນປ້ອງກັນໂຄວິດ-19 ໃຫ້ແກ່ປະຊາຊົນ ໂດຍສະເພາະຜູ້ເບິ່ງແຍງຜູ້ສູງອາຍຸບໍ່ເກີນ 65 ປີລວມ 5.266 ຄົນ ຈາກສູນເບິ່ງແຍງຜູ້ສູງອາຍຸ 213 ແຫ່ງທົ່ວປະເທດເປັນກຸ່ມຄົນທຳອິດທີ່ໄດ້ຮັບວັກຊິນຢ່າງເປັນທາງການ ໃນວັນທີ 26 ກຸມພານີ້ ເປັນວັກຊິນທີ່ຜະລິດໂດຍບໍລິສັດ ແອສຕຣາເຊເນກາ-ເອສເຄ ໄບໂອ ຂອງ ສ.ເກົາຫລີ ໄດ້ຮັບຖ່າຍທອດເຕັກໂນໂລຊີ ຈາກບໍລິສັດ ແອສຕຣາ ເຊເນກາ ຮ່ວມກັບ ມະຫາວິທະຍາໄລ ອ໋ອກສຟອດ ຂອງອັງກິດ. ຂະນະທີ່ວັນທີ 27 ກຸມພານີ້ ສ.ເກົາລີ ເລີ່ມສັກວັກຊິນອີກ 117.000 ຫລອດ ຂອງໄຟເຊີ/ໄບໂອ ເອັນເທັກ ນຳເຂົ້າມາຈາກຕ່າງປະເທດ ໂດຍບຸກຄະລາກອນທາງການແພດ ແລະເຈົ້າໜ້າທີ່ຮ່ວມງງານປະມານ 55.000 ຈະເປັນກຸ່ມຄົນຫລັກທີ່ໄດ້ຮັບວັກຊິນຊຸດນີ້ຂອງໄຟເຊີ/ໄບໂອເອັນເທັກ. ປັດຈຸບັນ ສ.ເກົາຫລີ ມີຜູ້ຕິດເຊື້ອໂຄວິດ-19 ທັງໝົດ 88.922 ຄົນເພີ່ມຂຶ້ນ 406 ຄົນ ໃນຮອບ 24 ຊົ່ວໂມງຫຼ້າສຸດ ປິ່ນປົວດີແລ້ວ 79.880 ຄົນ ແລະ ເສຍຊີວິດ 1.585 ຄົນ ເພີ່ມຂຶ້ນ 4 ຄົນ.
ໂດຍ: ຂປລ