ຄວາມເຄັ່ງຕຶງຢູ່ເຂດອ່າວເປີເຊຍ: ອາເມລິກາ ອອກຄຳສັ່ງກັກກ່ຳປັ່ນຂົນສົ່ງນ້ຳມັນ Grace 1 ຂອງອີຣານ
ວັນທີ 16 ສິງຫາ, ກະຊວງຍຸຕິທຳອາເມລິກາ ໄດ້ປະກາດສຳຄັ່ງກັກກຳປັ່ນຂົນສົ່ງນ້ຳມັນ Grace 1 ຂອງອີຣານ, ພາຍຫຼັງ 1 ວັນທີ່ສານສູງສຸດ Gibraltar ອອກຄຳຕັດສິນປ່ອຍກຳປັ່ນລຳນີ້.
ກະຊວງຍຸຕິທຳອາເມລິກາໄດ້ກ່າວຫາກຳປັ່ນ Grace 1 ວ່າຍັງຈອດຢູ່ເຂດນ້ຳແດນດິນຂອງອັງກິດ ຢູ່ທະເລເມດີເຕຣາເນ, ແມ່ນນອນໃນ “ກົນອຸບາຍສຳຜັດກັບລະບົບການເງິນຂອງອາເມລິກາຢ່າງຜິດກົດໝາຍ ເພື່ອໜູນຊ່ວຍການຂົນສົ່ງຢ່າງຜິດກົດໝາຍຈາກອີຣານ ໄປເຖິງຊີຣີ ໂດຍກຳລັງທະຫານປ້ອງກັນປະຕິວັດອິດສະລາມອີຣານ (IRGC) ປະຕິບັດ”.
|
|
ພາບປະກອບ: ສໍານັກຂ່າວສານຫວຽດນາມ. |
ຕາມຄຳສັ່ງດັ່ງກ່າວແລ້ວ, ກຳປັ່ນລຳນີ້ພ້ອມກັບນ້ຳມັນທັງໝົດແມ່ນຈະຖືກກັກໄວ້ຍ້ອນໄດ້ລ່ວງລະເມີດກົດໝາຍສິດເສດຖະກິດຮີບດ່ວນສາກົນ (IEEPA) ແລະອີງໃສ່ກົດລະບຽບຮີບຊັບ ຍ້ອນມີການສໍ້ໂກງທະນາຄານ, ຟອກເງິນ ແລະກໍ່ການຮ້າຍ.
ປະຈຸບັນຝ່າຍອັງກິດ ຫຼືອຳນາດການປົກຄອງ Gibraltar ຍັງບໍ່ທັນມີປະຕິກິລິຍາຫຍັງເທື່ອກ່ຽວກັບຄຳສັ່ງດັ່ງກ່າວ.
ແຫຼ່ງຄັດຈາກ: vovworld.vn