ມີນັກກິລາກວ່າ 2.300 ຄົນ ເຂົ້າຮ່ວມການແຂ່ງຂັນແລ່ນ THACO Marathon - ດ້ຽນບຽນຝູ ປີ 2024
ກປ.ອອນໄລ - ວັນທີ 14 ເມສາ, ການແຂ່ງຂັນແລ່ນ THACO Marathon ເພື່ອຄວາມປອດໄພໃນການຈະລາຈອນ-ດ້ຽນບຽນຝູ ໄດ້ໄຂຂຶ້ນຢ່າງເປັນທາງການ ດ້ວຍການເຂົ້າຮ່ວມຂອງນັກກິລາ, ຂະບວນການ, ພາຍໃນປະເທດ ແລະຕ່າງປະເທດກວ່າ 2.300 ຄົນ, ໃນນັ້ນມີນັກກິລາຂະບວນການຂອງແຂວງດ້ຽນບຽນ 1.072 ຄົນເຂົ້າຮ່ວມ.
|
|
ນັກກິລາເຂົ້າຮ່ວມການແລ່ນມາລາທອນ ຢ່າງຫຼວງຫຼາຍ. ພາບ: ຮົ່ງສ໊າງ |
ການແຂ່ງຂັນດັ່ງກ່າວ ໂດຍແມ່ນຄະນະກຳມະການຄວາມປອດໄພໃນການຈະລາຈອນແຫ່ງຊາດ ສົມທົບກັບໜັງສືພິມຈະລາຈອນ, ຄະນະກໍາມະການປະຊາຊົນແຂວງດ້ຽນບຽນ ຈັດຕັ້ງຂຶ້ນເພື່ອມຸ່ງໄປເຖິງພິທີສະເຫຼີມສະຫຼອງ 70 ປີແຫ່ງວັນໄຊຊະນະດ້ຽນບຽນຝູ (7-5-1954 / 7-5-2024); 115 ປີແຫ່ງວັນສ້າງຕັ້ງແຂວງດ້ຽນບຽນ (28-6-1909 / 28-6-2024); ປີທ່ອງທ່ຽວແຫ່ງຊາດ - ດ້ຽນບຽນຝູ 2024 ແລະປີຄວາມປອດໄພໃນການຈະລາຈອນ 2024.
ການແຂ່ງຂັນແມ່ນໂອກາດເພື່ອໂຄສະນາ, ສຶກສາອົບຮົມລຸ້ນໜຸ່ມຮັບຮູ້ກ່ຽວກັບມູນເຊີື້ອຮັກຊາດ, ຈິດໃຈເອກອ້າງທະນົງໃຈຕໍ່ຊົນຊາດ. ນອກຈາກນັ້ນ, ຄະນະຈັດຕັ້ງ ກໍ່ຢາກເຜີຍແຜ່ສານ “ຄວາມປອດໄພໃນການຈະລາຈອນ-ຄວາມສຸກຂອງທຸກຄອບຄົວ”, ຍົກສູງສະຕິໃນການປະຕິບັດກົດໝາຍວ່າດ້ວຍການຈະລາຈອນຂອງປະຊາຊົນ, ຈາກນັ້ນປະກອບສ່ວນຫຼຸດຜ່ອນການເກີດອຸບັດຕິເຫດ.
ໂດຍ: ເຈິ່ນຮວ່ຽນ