ນະຄອນໂຮ່ຈີມິນ ຈັດຕັ້ງວັນແລ່ນໂອລິມປິກ ເພື່ອສຸຂະພາບຂອງທົ່ວປວງຊົນ
ກປ.ອອນໄລ - ຕອນເຊົ້າວັນທີ 24 ມີນາ, ຢູ່ຄະນະກໍາມະການປະຊາຊົນນະຄອນໂຮ່ຈີມິນ ໄດ້ຈັດຕັ້ງວັນແລ່ນໂອລິມປິກ ເພື່ອສຸຂະພາບຂອງທົ່ວປວງຊົນໃນປີ 2024, ເນື່ອງໃນໂອກາດສະເຫຼີມສະຫຼອງ 78 ປີແຫ່ງວັນກິລາຫວຽດນາມ (27-3-1946 / 27-3-2024).
    |
 |
|
ວັນແລ່ນໂອລິມປິກ ເພື່ອສຸຂະພາບທົ່ວປວງຊົນ ປີ 2024 ຢູ່ນະຄອນໂຮ່ຈີມິນ ໄດ້ດຶງດູດຜູ້ເຂົ້າຮ່ວມນັບພັນຄົນ. ພາບ: ຮົ່ງຢາງ |
ວັນແລ່ນໄດ້ດຶງດູດຜູ້ເຂົ້າຮ່ວມນັບພັນຄົນລວມມີພະນັກງານ, ນັກຮົບກຳລັງປະກອບອາວຸດຂອງນະຄອນ, ອົງການການທູດ, ສະມາຊິກຊາວໜຸ່ມ, ຊາວໜຸ່ມ, ສະມາຊິກສະມາຄົມ, ນັກຮຽນ, ນັກສຶກສາ, ຜູ້ອອກແຮງງານ, ນັກສິລະປິນ, ສະໂມສອນ, ໜ່ວຍງານ, ກຸ່ມກິລາ... ບັນດາຜູ້ເຂົ້າຮ່ວມໄດ້ແລ່ນໄປຕາມຖະໜົນຫຼັກຢູ່ໃຈກາງນະຄອນໂຮ່ຈີມິນ ຄື: ເລຢວານ, ເລແທັ໊ງຕົນ, ດົງເຄີຍ, ຫງວຽນເຫວະ. ນອກຈາກນັ້ນ, ນັກຮຽນໂຮງຮຽນປະຖົມມິງດ້າວ (ເມືອງ 5) ກໍ່ໄດ້ເຂົ້າຮ່ວມການສະແດງສິລະປະຕີມວຍ vovinam ຮຽກຮ້ອງ ໃຫ້ວົງຄະນະຍາດຊຸມຊົນຕັ້ງໜ້າຝຶກຝົນຫຼໍ່ຫຼອມຮ່າງກາຍ.
ໄປພ້ອມກັບການແລ່ນ, ທີ່ນະຄອນໂຮ່ຈີມິນ ກໍ່ຈັດຕັ້ງບັນດາການເຄື່ອນໄຫວຕອບສະໜອງການແຂ່ງຂັນກິລາຫຼາຍປະເພດສຳລັບທຸກເກນອາຍຸ ແລະເປົ້າໝາຍຜູ້ເຂົ້າຮ່ວມ.
ໂດຍ: ໄຊນີດາ