ສັບປະດາ “ພວກເຮົາຖີບລົດ” ຢູ່ນະຄອນເຫວ້
ກປ.ອອນໄລ - ເນື່ອງໃນໂອກາດສັບປະດາ “ພວກເຮົາຖີບລົດ” (We cycle) ປີ 2022, ວັນທີ 7 ມິຖຸນາ ປະຈໍາປີ, ປະຊາຊົນນະຄອນເຫວ້ ນັບຮ້ອຍຄົນໄດ້ຮ່ວມເດີນທາງພ້ອມກັບສະຖານທູດເດນມາກ ປະຈໍາຫວຽດນາມ, ສະຖາບັນຄົ້ນຄວ້າພັດທະນາເທື່ອທຽນເຫວ້ (HueIDS) ແລະເວັບໄຊ Ashui.com ໃນບັ້ນໂຄສະນາເຜີຍແຜ່ວັດທະນະທໍາລົດຖີບ ທີ່ບັນດານະຄອນຂຶ້ນກັບສູນກາງ.
ບັ້ນໂຄສະນາເຜີຍແຜ່ໃນປີນີ້ລວມມີການຖີບລົດລວມໝູ່ຢູ່ອ້ອມກໍາແພງເຫວ້ ໃນຮຸ່ງເຊົ້າ, ງານວາງສະແດງພາຍໃຕ້ຫົວຂໍ້ “Copenhagen-ນະຄອນທີ່ເປັນໜ້າດໍາລົງຊີວິດ-ນະຄອນລົດຖີບ” ແລະກອງປະຊຸມສໍາມະນາ “ຖີບລົດ-ເລື່ອງລາວກ່ຽວກັບວິວັດທະນາການສີຂຽວ” ດ້ວຍການເຂົ້າຮ່ວມຂອງບັນດາແຂກຢູ່ພາຍໃນ ແລະຕ່າງປະເທດ. ທ່ານ Kim Hojlund Christensen ເອກອັກຄະລັດຖະທູດເດນມາກ ປະຈໍາ ຫວຽດນາມ ຫວັງວ່າ ບັ້ນໂຄສະນາດັ່ງກ່າວຈະໜູນຊ່ວຍນະຄອນເຫວ້ ໃຫ້ກາຍເປັນນະຄອນລົດຖີບໃນອະນາຄົດໂດຍໄວ.
|
|
ທ່ານ Kim Hojlund Christensen ເອກອັກຄະລັດຖະທູດເດນມາກ ປະຈໍາ ຫວຽດນາມ ຖີບລົດພ້ອມກັບປະຊາຊົນນະຄອນເຫວ້. ພາບ: thuathienhue.gov.vn |
ເຫດການແມ່ນສ່ວນໜຶ່ງໃນຂອບເຂດການພົວພັນຮ່ວມມືຍາວນານລະຫວ່າງເດນມາກ ແລະຫວຽດນາມ ເພື່ອແນໃສ່ໜູນຊ່ວຍຫວຽດນາມ ໃນວິວັດການຫັນປ່ຽນໄປສູ່ສີຂຽວ ແລະມານະພະຍາຍາມບັນລຸການປ່ອຍອາຍພິດລົງເປັນລະດັບ 0 ໃນປີ 2050 ຕາມຄໍາໝັ້ນສັນຍາຂອງທ່ານ ຟ້າມມີງຈີ໊ງ ນາຍົກລັດຖະມົນຕີຫວຽດນາມ ທີ່ກອງປະຊຸມ COP26 (Glasgow).
ໂດຍ: ທູຈາງ