ທີ່ການແຂ່ງຂັນບານເຕະ ອາຊຽນ 2020 (ດໍາເນີນໃນທ້າຍປີ 2021), ບານເຕະອິນໂດເນເຊຍ ໄດ້ສ້າງຄວາມປະທັບໃຈ. ດ້ວຍບັນດານັກເຕະໜຸ່ມໄດ້ ຮັບການຝຶກອົບຮົມດີທີ່ສຸດ, ທີມຊາດອິນໂດເນເຊຍ ໄດ້ສະເໝີທີມຊາດຫວຽດນາມ ດ້ວຍ 0-0 ປະຕູ, ຊະນະທີມຊາດສິງກະໂປ ດ້ວຍ 5-3 ປະຕູໂດຍບັງເອີນ ແລະລອດເຂົ້າຮອບຊີງຊະນະເລີດ ແລະຫຼັງຈາກນັ້ນກາຍເປັນທີມຮອງຊະນະເລີດ. ນັກເຕະທີມຊາດອິນໂດເນເຊຍ ທີ່ການແຂ່ງຂັນນັ້ນ 12 ຄົນຍັງມີໜ້າພ້ອມກັບທີມຊາດ U.23 ອິນໂດເນເຊຍ ເຂົ້າຮ່ວມການແຂ່ງຂັນຢູ່ SEA Games 31. ໃນນັ້ນ, ຕ້ອງເວົ້າເຖິງນັກເຕະທີ່ໂດດເດັ່ນ 3 ຄົນ, ມີອາຍຸເກີນ 23 ປີແມ່ນ F. Aryanto, M. Klok, R. Kambuaya, ພ້ອມກັບນັກເຕະໜຸ່ມທີ່ດີເດັ່ນກຳລັງເຕະບານຢູ່ຕ່າງປະເທດ ຄື: A. Mangkualam, E. Baggott, E. Maulana, W. Sulaeman, S. Ramdani.

leftcenterrightdel
ນັກເຕະ U.23 ຫວຽດນາມ ຕັ້ງໜ້າຝຶກແອບເພື່ອກະກຽມໃຫ້ການແຂ່ງຂັນກັບ  U.23 ອິນໂດເນເຊຍ. ພາບ: ເລິມຖວາ.

ເພື່ອກະກຽມໃຫ້ SEA Games 31, U.23 ອິນໂດເນເຊຍ ໄດ້ໄປຝຶກອົບຮົມຢູ່ ສ.ເກົາຫຼີ ໃນສອງອາທິດເພື່ອເພີ່ມຄວາມຊິນເຄີຍ ແລະປັບປຸງກໍາລັງກາຍ. ທ່ານ M. Iriawan ປະທານສະຫະພັນ ບານເຕະອິນໂດເນເຊຍ ໃຫ້ຮູ້ວ່າ: “ຂ້າພະເຈົ້າເຊື່ອໝັ້ນວ່າ U.23 ອິນໂດເນເຊຍ ຈະຊີງແຊມ SEA Games 31 ໄດ້”. ໃນຂະນະນັ້ນ, ກ່ອນທີ່ແຂ່ງຂັນກັບ U.23 ຫວຽດນາມ, ຄູຝຶກ Shin Tae-yong ໃຫ້ຮູ້ວ່າ: “ຢູ່ SEA Games 31, U.23 ອິນໂດເນເຊຍໄດ້ເພີ່ມນັກເຕະຫຼາຍຄົນທີ່ພວມແຂ່ງຂັນຢູ່ຕ່າງປະເທດ. ສິ່ງດັ່ງກ່າວຈະຊ່ວຍໃຫ້ U.23 ອິນໂດເນເຊຍ ແຂ່ງຂັນດີກວ່າໃນການແຂ່ງຂັນຈະມາເຖິງ. ເຊື່ອໝັ້ນວ່າ, U.23 ອິນໂດເນເຊຍ ຈະຮັບຜົນດີເມື່ອແຂ່ງຂັນກັບ U.23  ຫວຽດນາມ”.

ໃນຂະນະນັ້ນ, U.23 ຫວຽດນາມ ເຂົ້າຮ່ວມ SEA Games 31 ດ້ວຍຄວາມຫວັງຄວ້າຫຼຽນຄຳໃຫ້ໄດ້. ປະຈຸບັນ, ຍັງມີຄວາມສົງໄສຕໍ່ຄຸນນະພາບຮູບຖານຂອງ U.23 ຫວຽດນາມ ໃນປະຈຸບັນ ແຕ່ຄູຝຶກ Park Hang-seo ຍັງເຊື່ອໝັ້ນຕໍ່ລູກສິດຂອງຕົນ. ຊ້ຳບໍ່ໜຳ, ຄູຝຶກ Park Hang-seo ຍັງເປີດເຜີຍອາດຈະນໍາໃຊ້ກອງກາງ ຮວ່າງດຶກ ຖ້າມີຄວາມຈໍາເປັນ. ການເພີ່ມນັກເຕະ 3 ຄົນທີ່ມີອາຍຸເກີນ 23 ປີແມ່ນ ຕຽນລິງ, ຮຸ່ງຢູງ, ຮວ່າງດຶກ ຈະຊ່ວຍໃຫ້ U.23 ຫວຽດນາມ ມີກໍາລັງແຮງກວ່າ. ກ່ອນການແຂ່ງຂັນກັບ U.23 ອິນໂດເນເຊຍ, ຄູຝຶກ Park Hang-seo ໃຫ້ຮູ້ວ່າ “ຄວາມຫວັງສຸດທີ່ໃຫຍ່ຂອງແຟນບານໄດ້ກໍ່ຄວາມດັນໃຫ້ບັນດານັກເຕະ U.23 ຫວຽດນາມ. ແຕ່ຂ້າພະເຈົ້າ ເຊື່ອໝັ້ນວ່າເຂົາເຈົ້າຈະຜ່ານຜ່າ ແລະສາມາດສ້າງຄວາມມ່ວນຊື່ນໃຫ້ ແຟນບານຫວຽດນາມ. U.23 ຫວຽດນາມ ໄດ້ກະກຽມດີທີ່ສຸດທັງດ້ານຈິດໃຈ ແລະກໍາລັງແຮງໃຫ້ SEA Games 31. ສະນັ້ນ, ຂ້າພະເຈົ້າຈະມານະພະຍາຍາມເພື່ອນຳຜົນງານດີທີ່ສຸດມາໃຫ້ U.23 ຫວຽດນາມ”.

ສາມປີກ່ອນຢູ່ SEA Games 30 - ຟີລິບປິນ, U.22 ຫວຽດນາມ ໄດ້ຊະນະ U.22 ອິນໂດເນເຊຍ ເພື່ອຄວ້າໄດ້ຫຼຽນຄໍາຄັ້ງທໍາອິດ. ປະຈຸບັນ, ບານເຕະອິນໂດເນເຊຍ ໄດ້ມີການລົງທຶນອັນໃຫຍ່ຫຼວງໃຫ້ວຽກງານບໍາລຸງສ້າງລຸ້ນໜຸ່ມ, ຝຶກອົບຮົມຢູ່ຕ່າງປະເທດ ແລະຍາດໄດ້ຜົນງານດີສົມຄວນ. ຖ້າແຟນບານຫວຽດນາມ ເອກອ້າງທະນົງໃຈເມື່ອມີຄູຝຶກ Park Hang-seo , ແຟນບານຂອງອິນໂດເນເຊຍ ກໍ່ມີຄວາມເຊື່ອໝັ້ນຕໍ່ຄູຝຶກ Shin Tae-yong.

ວົງການນັກຊ່ຽວຊານຕີລາຄາວ່າ U.23 ຫວຽດນາມ ແລະ U.23 ອິນໂດເນເຊຍ ມີທ່າໄດ້ປຽບຢູ່ກຸ່ມ A ຕໍ່ໜ້າຄູ່ແຂງແມ່ນ U.23 ມຽນມາ, U.23 ຟີລິບປິນ ແລະ U.23 ຕີມໍ ແລັດສະເຕ. ຍ້ອນເຫດນັ້ນ, ການແຂ່ງຂັນລະຫວ່າງ U.23 ຫວຽດນາມ ແລະ U.23 ອິນໂດເນເຊຍ ໄດ້ຮັບຖືວ່າແມ່ນການແຂ່ງຂັນຮອບຊີງຊະນະເລີດຂອງກຸ່ມ A. ດ້ວຍລັກສະນະສໍາຄັນນັ້ນ, ທີມໃດກໍ່ຢາກຊະນະ ຍ້ອນວ່າທີມຊະນະໄດ້ມີໂອກາດລອດເຂົ້າຮອບຮອງຊະນະເລີດ.

ໂດຍ: ໄຊນີດາ