ສະໂມສອນ Viettel ກຽມພ້ອມແຂ່ງຂັນ AFC Champions League
ກປ.ອອນໄລ - ວັນທີ 19 ມິຖຸນາ, ເພື່ອກະກຽມເດີນທາງໄປແຂ່ງຂັນ AFC Champions League 2021 ເຊິ່ງຈັດຕັ້ງທີ່ບາງກອກ (ປະເທດໄທ), ນັກເຕະສະໂມສອນ Viettel ທັງໝົດລ້ວນແຕ່ໄດ້ສັກວັກຊິນກັນໂຄວິດ-19 ເຂັມທີສອງ.
ນອກຈາກນັ້ນ, ນັກເຕະທີມຊາດ, ສະມາຊິກໃນຄະນະຄູຝຶກ, ພະນັກງານ, ຖັນແຖວແພດໝໍ ... ກໍ່ເຂົ້າຮ່ວມການສັກວັກຊິນກັນໂຄວິດ-19.
    |
 |
|
ນັກເຕະຂອງສະໂມສອນ Viettel ສັກວັກຊິນກັນໂຄວິດ-19 ເຂັມທີສອງສຳເລັດ. ພາບ: Viettel FC. |
ຄູຝຶກ ເຈືອງຫວຽດຮວ່າງ ໃຫ້ຮູ້ວ່າ "ໃນຕໍ່ໜ້າຍັງມີສິ່ງທ້າທາຍຫຼາຍຢ່າງດ້ວຍການແຂ່ງຂັນກັບບັນດາທີມແຂງໃນສາຍ, ແຕ່ພວກຂ້າພະເຈົ້າຕັດສິນໃຈແຂ່ງຂັນ ແລະວາງເປົ້າໝາຍບັນລຸຜົນງານທີ່ດີໃນການແຂ່ງຂັນແຕ່ລະນັດ. ນີ້ແມ່ນຄວາມເປັນກຽດຂອງສະໂມສອນ, ທັງແມ່ນໜ້າທີ່ຂອງຊາດ. ພວກຂ້າພະເຈົ້າຮູ້ສຶກເອກອ້າງທະນົງໃຈເມື່ອກາຍເປັນຕົວແທນໜຶ່ງດຽວທີ່ໄດ້ເຂົ້າຮ່ວມການແຂ່ງຂັນບານເຕະໃນທະວີບ ແລະຈະມານະພະຍາຍາມອຸທິດສ່ວນເພື່ອສີສັນຊາດ...”.
ຄາດວ່າໃນວັນທີ 20 ມິຖຸນາ, ສະໂມສອນ Viettel ຈະອອກເດີນທາງໄປປະເທດໄທ ເພື່ອເຂົ້າຮ່ວມການແຂ່ງຂັນໃນສາຍ F, AFC Champions League 2021.
ໂດຍ:ທະນາພອນ