ທີມຊາດຫວຽດນາມ ບໍລິຈາກເງິນຈໍານວນ 300 ລ້ານດົ່ງເຂົ້າກອງທຶນວັກຊິນປ້ອງກັນ, ຕ້ານໂຄວິດ-19
ກປ.ອອນໄລ - ໂດຍຕອບສະໜອງຕາມຄໍາຮຽກຮ້ອງຂອງທ່ານນາຍົກລັດຖະມົນຕີຫວຽດນາມ ກ່ຽວກັບການນໍາວັກຊິກປ້ອງກັນໂຄວິດ-19 ເຂົ້າເຖິງປະຊາຊົນທຸກຄົນ, ທີມຊາດຫວຽດນາມ ໄດ້ບໍລິຈາກເງິນຈໍານວນ 300 ລ້ານດົ່ງເຂົ້າກອງທຶນວັກຊິນປ້ອງກັນ, ຕ້ານໂຄວິດ-19, ຮ່ວມແຮງຮ່ວມໃຈພ້ອມກັບທົ່ວປະເທດ ຍູ້ຖອຍພະຍາດໂຄວິດ-19.
|
|
ທີມຊາດຫວຽດນາມ ບໍລິຈາກເງິນຈໍານວນ 300 ລ້ານດົ່ງເຂົ້າກອງທຶນວັກຊິນປ້ອງກັນ, ຕ້ານໂຄວິດ-19. ພາບ: VFF |
ຕາງໜ້າທີມຊາດຫວຽດນາມ, ຫົວໜ້າຄູ່ຝຶກ Park Hang-seo ໄດ້ສົ່ງຄໍາຂອບໃຈມາຍັງການນໍາພັກ, ລັດ, ລັດຖະບານ ແລະແຟນບານຫວຽດນາມ ເຊິ່ງຍາມໃດກໍສະຫງວນໃຫ້ແກ່ທີມຊາດຫວຽດນາມ ບັນດາອາລົມຈິດທີ່ດີງາມທີ່ສຸດ, ໃຫ້ກໍາລັງໃຈເພື່ອໃຫ້ທີມຊາດຫວຽດນາມ ຜ່ານຜ່າຄວາມຫຍຸ້ງຍາກ, ອຸປະສັກຕ່າງໆ. ຫົວໜ້າຄູ່ຝຶກ Park Hang-seo ເຊື່ອໝັ້ນວ່າພາຍໃຕ້ການນໍາພາຂອງພັກ, ລັດ, ລັດຖະບານ, ນໍ້າໃຈຫວຽດນາມ ຈະໄດ້ຮັບການເສີມຂະຫຍາຍໃນການຕໍ່ສູ້, ຕ້ານພະຍາດໂຄວິດ-19, ສືບຕໍ່ສ້າງເປັນໄຊຊະນະຫວຽດນາມ. ເວລາ 22:00 ໂມງຂອງວັນທີ 8 ມິຖຸນາ (ຕາມເວລາຫວຽດນາມ), ທີມຊາດຫວຽດນາມພ້ອມດ້ວຍຄະນະຄູຝຶກ ໄດ້ກັບຄືນສະໜາມຝຶກແອບເພື່ອກະກຽມໃຫ້ແກ່ການລົງສະໜາມແຂ່ງຂັນກັບທີມຊາດມາເລເຊຍ ໃນວັນທີ 11 ມິຖຸນາ 2021 ຈະມາເຖິງ.
ໂດຍ: ໄຊຊະນະ