ການແຂ່ງຂັນແລ່ນມາຣາທອນສາກົນ ນະຄອນໂຮ່ຈີມິນ Techcombank ດໍາເນີນໄປຢ່າງຄຶກຄື້ນ
ກປ.ອອນໄລ - ວັນທີ 11 ເມສາ, ການແຂ່ງຂັນແລ່ນມາຣາທອນສາກົນ ນະຄອນໂຮ່ຈີມິນ Techcombank ລະດູທີ 4 ໂດຍພະແນກການທ່ອງທ່ຽວສົມທົບກັບພະແນກວັດທະນະທໍາ ແລະກິລານະຄອນໂຮ່ຈີມິນ ໄດ້ໄຂພິທີດ້ວຍການເຂົ້າຮ່ວມຂອງນັກກິລາ 13.100 ກວ່າຄົນທີ່ມາຈາກບັນດາແຂວງ, ນະຄອນ.
    |
 |
|
ນັກກິລາເຂົ້າຮ່ວມການແຂ່ງຂັນແລ່ນມາຣາທອນ. ພາບ: ຮົ່ງຢາງ. |
ນັກກິລາຈະແຂ່ງຂັນແລ່ນໃນໄລຍະຕ່າງໆ, ຄື: ມາຣາທອນ (42,195 ກິໂລແມັດ), ເຄິ່ງມາຣາທອນ (21,1 ກິໂລແມັດ), 10 ກິໂລແມັດ ແລະ 5 ກິໂລແມັດ. ໃນນັ້ນ, ການແຂ່ງຂັນແລ່ນມາຣາທອນມີນັກກິລາ 2.000 ກວ່າຄົນເຂົ້າຮ່ວມໂດຍແລ່ນຜ່ານບັນດາເມືອງ, ຄື: 1, 3, 5, 6, ບິ່ງແທ້ງ ແລະນະຄອນຖູດຶກ.
|
|
 |
|
ມອບລາງວັນໃຫ້ນັກກິລາຊາຍດີເດັ່ນທີ່ຍາດໄດ້ຜົນງານສູງຕາມກຸ່ມອາຍຸ. ພາບ: ຮົ່ງຢາງ. |
ຜົນການແຂ່ງຂັນປະກົດວ່າ, ໄລຍະແລ່ນມາຣາທອນ ຫວຽດນາມ ເປີດກວ້າງ, ນັກກິລາ ຮວ່າງງວຽນແທງ ໄດ້ອັນດັບທີ 1 ສໍາລັບເພດຊາຍ ດ້ວຍເວລາ 2 ໂມງ 32 ນາທີ 49 ວິນາທີ ແລະນັກກິລາ ຮວ່າງທິງອັກຮວາ ໄດ້ອັນດັບທີ 1 ສໍາລັບເພດຍິງດ້ວຍເວລາ 2 ໂມງ 55 ນາທີ 49 ວິນາທີ. ໃນປະເພດການແຂ່ງຂັນສຸດທ້າຍໃນກຸ່ມອາຍຸທີ່ຢູ່ໃນໄລຍະແລ່ນມາຣາທອນ, ນັກກິລາ ດ່າວມິງຈີ໊ ໄດ້ອັນດັບທີ 1 ສໍາລັບເພດຊາຍ ແລະນັກກິລາ ຫງວຽນທິເດືອງ ໄດ້ອັນດັບທີ 1 ສໍາລັບເພດຍິງ.
ໂດຍ: ໄຊຊະນະ