ມະຫາວິທະຍາໄລເກີ່ນເທີ ຕ້ອງສູ້ຊົນກາຍເປັນໂຮງຮຽນແຖວໜ້າຢູ່ ອາຊີ
ກປ.ອອນໄລ - ຕອນເຊົ້າວັນທີ 22 ມັງກອນ, ໂດຍສືບຕໍ່ການເຄື່ອນໄຫວຢູ່ນະຄອນ ເກີ່ນເທີ, ທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝິນ ໄປຢ້ຽມຢາມ, ເຮັດວຽກ, ອວຍພອນປີໃໝ່ມະຫາວິທະຍາໄລ ເກີິ່ນເທີ.
ນະທີ່ນີ້, ທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝິນ ສະເໜີໃຫ້ທາງໂຮງຮຽນ ຍູ້ແຮງວຽກງານການສຶກສາ - ບຳລຸງສ້າງ. ທ່ານເນັ້ນໜັກວ່າ:
“ຄວາມປາດຖະໜາຂອງພັກ, ລັດແມ່ນ ມະຫາວິທະຍາໄລ ເກີ່ນເທີ ຕ້ອງເປັນໜຶ່ງໃນບັນດາມະຫາວິທະຍາໄລແຖວໜ້າຂອງ ອາຊີ. ຍູ້ແຮງການຮ່ວມມືກັບມະຫາວິທະຍາໄລແຫ່ງຕ່າງໆໃນໂລກ ໃນການສຶກສາບຳລຸງສ້າງ ເພື່ອມີນັກຄົ້ນຄວ້າ, ນັກສຶກສາປະລິນຍາໂທ, ນັກສຶກສາເກັ່ງໃນທຸກດ້ານ ຕອບສະໜອງຄວາມຮຽກຮ້ອງຕ້ອງການໃນການສ້າງ ແລະ ພັດທະນາປະເທດຊາດຫຼາຍຂຶ້ນອີກ”.
    |
 |
|
ມະຫາວິທະຍາໄລ ເກີ່ນເທີ ສູ້ຊົນກາຍເປັນໂຮງຮຽນແຖວໜ້າຢູ່ ອາຊີ. ພາບ: vovworld.vn |
ທ່ານປະທານສະພາແຫ່ງຊາດຖືວ່າ ມະຫາວິທະຍາໄລບໍ່ພຽງແຕ່ພັດທະນາຖັນແຖວພະນັກງານ, ຄູອາຈານໃຫ້ແກ່ຕົນເອງເທົ່ານັ້ນ ຫາກຍັງຕ້ອງພັດທະນາຖັນແຖວໃຫ້ແກ່ມະຫາວິທະຍາໄລແຫ່ງອື່ນໆໃນເຂດອີກດ້ວຍ.
ກໍໃນຕອນເຊົ້າວັນທີ 22 ມັງກອນ, ທ່ານປະທານສະພາແຫ່ງຊາດ ຫວຽດນາມ ເຈິ່ນແທັງເໝິນ ໄດ້ເຮັດວຽກ ແລະອວຍພອນປີໃໝ່ມະຫາວິທະຍາໄລ ນາມເກີ່ນເທີ.
ໂດຍ: ກວຽດເຕິມ