ງານວາງສະແດງ “80 ປີ ສະພາແຫ່ງຊາດຫວຽດນາມ ຮ່ວມເດີນທາງກັບປະເທດຊາດ”

ງານວາງສະແດງຈະຈັດຂຶ້ນຢູ່ຫໍສະພາແຫ່ງຊາດ (ຮ່າໂນ້ຍ) ໃນຕອນເຊົ້າວັນທີ 6 ມັງກອນ, ໃນຂອບເຂດພິທີສະເຫຼີມສະຫຼອງ 80 ປີແຫ່ງວັນເລືອກຕັ້ງທົ່ວປະເທດ ຄັ້ງທໍາອິດ ຂອງສະພາແຫ່ງຊາດຫວຽດນາມ.

ບັນຍາກາດລວມທີ່ງານວາງສະແດງ. ພາບ: ຄະນະຈັດຕັ້ງ

ໃນວັນທີ 6 ມັງກອນ 1946, ໂດຍຕອບສະໜອງຕາມຄຳຮຽກຮ້ອງຂອງປະທານໂຮ່ຈີມິນ, ປະຊາຊົນຫວຽດນາມ ທີ່ມີອາຍຸ 18 ປີຂຶ້ນໄປຈາກທົ່ວປະເທດ, ໂດຍບໍ່ຄຳນຶງເຖິງເພດ, ຊົນເຜົ່າ, ສາສະໜາ, ຫຼື ຊົນຊັ້ນທາງສັງຄົມ, ໄດ້ເຂົ້າຮ່ວມໃນການເລືອກຕັ້ງທົ່ວປະເທດ ຄັ້ງທໍາອິດຂອງສະພາແຫ່ງຊາດຫວຽດນາມ ຢ່າງກະຕືລືລົ້ນ. ໄຊຊະນະຂອງການເລືອກຕັ້ງທົ່ວປະເທດ ແມ່ນຂີດໝາຍໃນປະຫວັດສາດຂອງປະເທດຊາດ, ເຊິ່ງເປີດໄລຍະການພັດທະນາໃໝ່ຂອງປະເທດ ສາທາລະນະລັດ ປະຊາທິປະໄຕ ຫວຽດນາມ (ປະຈຸບັນແມ່ນສາທາລະນະລັດ ສັງຄົມນິຍົມຫວຽດນາມ).

ງານວາງສະແດງ "80 ປີ ສະພາແຫ່ງຊາດຫວຽດນາມ ຮ່ວມເດີນທາງກັບປະເທດຊາດ" ໄດ້ວາດ​ພາບໃຫ້ເຫັນການເດີນທາງ 80 ປີ ແຫ່ງການສ້າງຕັ້ງ ແລະພັດທະນາຂອງສະພາແຫ່ງຊາດຫວຽດນາມ ຢ່າງມີຊີວິດຊີວາ ຜ່ານລະບົບຮູບພາບ, ເອກະສານ, ວັດຖຸພັນທີ່ພົ້ນເດັ່ນ, ຈັດລຽງຕາມຄວາມຄືບໜ້າທາງປະຫວັດສາດ, ຈາກກອງປະຊຸມໃຫຍ່ແຫ່ງຊາດເຕິນຈ່າວ - ຕົ້ນກໍາເນີດຂອງສະພາແຫ່ງຊາດຫວຽດນາມ - ຈົນເຖິງສະພາແຫ່ງຊາດ ໃນໄລຍະປະຈຸບັນ. ຜ່ານນັ້ນ, ເຮັດແຈ້ງວິວັດການເຕີບໃຫຍ່ຂະຫຍາຍຕົວ ແລະການພັດທະນາຢ່າງຮອບດ້ານຂອງສະພາແຫ່ງຊາດຫວຽດນາມ; ຢືນຢັນບົດບາດ, ທີ່ຕັ້ງໃຈກາງຂອງສະພາແຫ່ງຊາດໃນລະບົບການເມືອງ, ເປັນຂົວຕໍ່ທີ່ໝັ້ນແກ່ນລະຫວ່າງພັກ, ລັດ ແລະປະຊາຊົນ.

ໂດຍ: ຈາງຫງວຽນ