ນັກກ໊ອບມີຊື່ສຽງຊາວອົດສະຕາລີ ສືບຕໍ່ໄດ້ຮັບການແຕ່ງຕັ້ງເປັນທູດທ່ອງທ່ຽວຫວຽດນາມ

ທ່ານ Gregory John Norman ກ່າວຄໍາເຫັນທີ່ພິທີ. ພາບ: ເລຮວ່າງ

ທ່ານ Gregory John Norman ແມ່ນໜຶ່ງໃນບັນດາສັນຍາລັກຂອງກິລາກ໊ອບໂລກ ດ້ວຍກວ່າ 90 ນາມມະຍົດສາກົນ, ຄາດຄະເນຍອດຊັບສິນ 350 ລ້ານໂດລາສະຫະລັດ ແລະທີ່ມີອິດທິພົນທົ່ວໂລກ. ໃນອາຍຸການໃໝ່, ທ່ານ Gregory John Norman ຄາດຄະເນເພີ່ມທະວີການເຄື່ອນໄຫວສື່ມວນຊົນຜ່ານເວທີສ່ວນບຸກຄົນທີ່ມີຜູ້ຕິດຕາມຫຼາຍກວ່າ 175.000 ຄົນ, ສົ່ງເສີມການຈັດຕັ້ງການແຂ່ງຂັນສາກົນ; ຜັນຂະຫຍາຍລະບົບສະຖາບັນ Golf Greg Norman, ໜູນຊ່ວຍການພັດທະນາສະໜາມກ໊ອບແບບຍືນຍົງ, ເຊື່ອມຕໍ່ການທ່ອງທ່ຽວກ໊ອບ ກັບເຫດການມໍລະດົກ, ວັດທະນະທໍາ... ການແຕ່ງຕັ້ງທ່ານ Gregory John Norman ຄືນໃໝ່ແມ່ນບາດກ້າວຍຸດທະສາດແນໃສ່ສ້າງຮູບພາບຫວຽດນາມ ເປັນມິດ ແລະເຕັມໄປດ້ວຍສີສັນໃນແຜນທີ່ທ່ອງທ່ຽວທົ່ວໂລກ.

ໂດຍ: ເຈິ່ນຮວ່ຽນ