ຫວຽດນາມ - ຝລັ່ງ ເພີ່ມທະວີການຮ່ວມມືໃນການແບ່ງປັນ ແລະອະນຸລັກຮັກສາມໍລະດົກ
ກປ.ອອນໄລ - ພາຍຫຼັງ 2 ປີແຫ່ງການຜັນຂະຫຍາຍ, ໂຄງການ “ແບ່ງປັນ ແລະອະນຸລັກຮັກສາມໍລະດົກຫວຽດນາມ” ໄດ້ຮັບໝາກຜົນດີພໍສົມຄວນໃນຫຼາຍດ້ານ. ຂໍ້ສັງເກດດັ່ງກ່າວໂດຍທ່ານ Olivier Brochet ເອກອັກຄະລັດຖະທູດຝລັ່ງ ປະຈຳ ຫວຽດນາມ ຍົກອອກທີ່ກອງປະຊຸມຂ່າວໃນຕອນບ່າຍວັນທີ 3 ມິຖຸນາ ຢູ່ຮ່າໂນ້ຍ.
ໂຄງການ “ແບ່ງປັນ ແລະອະນຸລັກຮັກສາມໍລະດົກຫວຽດນາມ” ໄດ້ຮັບການໜູນຊ່ວຍຈາກກອງທຶນສາມັກຄີບັນດາໂຄງການປ່ຽນແປງໃໝ່ (FSPI) ຂອງກະຊວງການຕ່າງປະເທດຝລັ່ງ ເພື່ອແນໃສ່ຕອບສະໜອງຄວາມຮຽກຮ້ອງຕ້ອງການຂອງຄູ່ຮ່ວມມືຫວຽດນາມ ແລະເພີ່ມທະວີການຮ່ວມມືກັບຫໍພິພິທະພັນຝລັ່ງ.
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/26/2024/06/04/upload_2121/04062024-tt02-01.jpg?dpi=150&quality=100&w=500) |
ບັນຍາກາດທີ່ກອງປະຊຸມຂ່າວໃນວັນທີ 3 ມິຖຸນາ ທີ່ສະຖານທູດຝລັ່ງ ປະຈໍາ ຫວຽດນາມ. ພາບ: ເຟືອງລິງ |
ໂດຍໄດ້ຮັບການຜັນຂະຫຍາຍໃນຮອບ 2 ປີ, ແຕ່ປີ 2022 ຮອດປີ 2024, ໂຄງການດັ່ງກ່າວໄດ້ສະແດງໃຫ້ເຫັນໝາກຜົນດີພໍສົມຄວນໃນຫຼາຍດ້ານ. ບໍ່ພຽງແຕ່ຕອບສະໜອງເປົ້າໝາຍເສີມຂະຫຍາຍຄຸນຄ່າດ້ານວິຊາສະເພາະຂອງຝລັ່ງ ໃນຂົງເຂດຫໍພິພິທະພັນເທົ່ານັ້ນ, ແຕ່ໂຄງການຍັງສ້າງການພົວພັນຢ່າງເລິກເຊິ່ງລະຫວ່າງບັນດາອົງການວັດທະນະທຳ, ມໍລະດົກຂອງຫວຽດນາມ ກໍ່ຄືກັບບັນດາຄູ່ຮ່ວມມືຂອງຝລັ່ງ ອີກດ້ວຍ, ໃນນັ້ນມີສູນວິທະຍາສາດເຕັກໂນໂລຢີ Universcience, ຫໍພິພິທະພັນປະຫວັດສາດທໍາມະຊາດແຫ່ງຊາດ ປາຣີ, ຫຼືຫໍພິພິທະພັນ Confluences ແລະສະຖາບັນມໍລະດົກແຫ່ງຊາດຝລັ່ງ; ຖ່າຍທອດປະສົບການດ້ານວິຊາສະເພາະທີ່ມີຄ່າຈາກປະເທດຝລັ່ງ ໂດຍຜ່ານໂຄງການທົດລອງ.
ບັນດາຄູ່ຮ່ວມມືຫວຽດນາມ ກໍ່ສະແດງຄວາມເພິ່ງພໍໃຈຕໍ່ໝາກຜົນ ແລະຄຸນນະພາບຂອງໂຄງການ, ພ້ອມທັງສະແດງຄວາມປາດຖະໜາຢາກຜັນຂະຫຍາຍຫຼາຍໂຄງການຮ່ວມມືຕື່ມອີກໃນອະນາຄົດ. ທ່ານເອກອັກຄະລັດຖະທູດ Olivier Brochet ຢືນຢັນວ່າ: “ໂຄງການນີ້ແມ່ນການສືບທອດການຮ່ວມມືລະຫວ່າງຝລັ່ງ ແລະຫວຽດນາມ, ພ້ອມທັງສ້າງປະຖົມປັດໄຈເພື່ອເປີດໂຄງການຮ່ວມມືໃນປີ 2025”.
ໂດຍ: ທູຈາງ