ງານວາງສະແດງເຊີດຊູ ປະທານໂຮ່ຈີມິນ
ກປ.ອອນໄລ - ວັນທີ 10 ພຶດສະພາ, ພະແນກການເມືອງ ທະຫານເຂດ 9 ໄດ້ຈັດຕັ້ງພິທີເປີດງານວາງສະແດງຫົວເລື່ອງສະເພາະ “ປະທານໂຮ່ຈີມິນ-ວິລະຊົນປົດປ່ອຍຊາດ-ນັກວັດທະນະທໍາດີເດັ່ນຂອງຫວຽດນາມ”.
ເນື້ອໃນງານວາງສະແດງລວມມີ 3 ພາກ: ປະທານໂຮ່ຈີມິນ-ວິລະຊົນປົດປ່ອຍຊາດ; ປະທານໂຮ່ຈີມິນ-ນັກວັດທະນະທໍາດີເດັ່ນຂອງຫວຽດນາມ; ກໍາລັງປະກອບອາວຸດທະຫານເຂດ 9 ແຂ່ງຂັນ “ຮໍ່າຮຽນ ແລະປະຕິບັດຕາມແນວຄິດ, ຄຸນສົມບັດ, ແບບແຜນການດໍາລົງຊີວິດຂອງປະທານໂຮ່ຈີມິນ”.
    |
 |
|
ການນໍາທະຫານເຂດ 9, ຄະນະກໍາມະການປະຊາຊົນນະຄອນ ເກີ່ນເທີ ຕັດແຖບຜ້າເປີດງານວາງສະແດງ. ພາບ: qdnd.vn |
ດ້ວຍຮູບພາບ, ວັດຖຸພັນກວ່າ 300 ຢ່າງ, ງານວາງສະແດງແມ່ນແຫຼ່ງເອກະສານອັນລ້ຳຄ່າທີ່ແນະນຳໂດຍຫຍໍ້ກ່ຽວກັບຊີວິດ ແລະພາລະກິດການປະຕິວັດຂອງປະທານໂຮ່ຈີມິນ ແລະການເຄື່ອນໄຫວແຂ່ງຂັນ “ຮໍ່າຮຽນ ແລະປະຕິບັດຕາມແນວຄິດ, ຄຸນສົມບັດ, ແບບແຜນການດໍາລົງຊີວິດຂອງປະທານໂຮ່ຈີມິນ” ຂອງກຳລັງປະກອບອາວຸດທະຫານ ເຂດ 9.
|
|
 |
|
ການນໍາທະຫານເຂດ 9, ຄະນະກໍາມະການປະຊາຊົນນະຄອນ ເກີ່ນເທີ ຢ້ຽມຊົມງານວາງສະແດງ. ພາບ: qdnd.vn |
ງານວາງສະແດງແມ່ນການເຄື່ອນໄຫວທີ່ມີຄວາມໝາຍສະແດງໃຫ້ເຫັນຄວາມຮູ້ບຸນຄຸນ ແລະຄວາມເຄົາລົບນັບຖືຕໍ່ຊີວິດ ແລະພາລະກິດຂອງປະທານໂຮ່ຈີມິນ ຜູ້ຍິ່ງໃຫຍ່ ແລະແມ່ນໂອກາດເພື່ອໃຫ້ຄົນລຸ້ນຫຼັງສະແດງຄວາມຮູ້ບຸນຄຸນຕໍ່ປະທານ ໂຮ່ຈີມິນ; ໂຄສະນາເຜີຍແຜ່ ແລະສຶກສາອົບຮົມກ່ຽວກັບມູນເຊື້ອຮັກຊາດ, ເຈດຈໍານົງເອກະລາດ, ເປັນເຈົ້າຕົນເອງ ແລະຄວາມພາກພູມໃຈຂອງຊາດ; ສະແດງໃຫ້ເຫັນຈິດໃຈສາມັກຄີຮ່ວມແຮງຮ່ວມໃຈສູ້ຊົນ, ຍາດເອົາຜົນງານໃໝ່ຫຼາຍກວ່າ ແລະຮອບດ້ານກວ່າໃນກິດຈະການປ່ຽນແປງໃໝ່ປະເທດຊາດ.
ໂດຍ: ທູຈາງ