ແນະນໍາຮູບພາບ 100 ແຜ່ນຢູ່ງານວາງສະແດງ “ເສັ້ນຊາຍແດນແຫ່ງຄວາມເອກອ້າງທະນົງໃຈ”
ກປ.ອອນໄລ - ວັນທີ 23 ມີນາ, ຢູ່ຮ່າໂນ້ຍ, ຄະນະໂຄສະນາສຶກສາສູນກາງ, ກະຊວງວັດທະນະທໍາ, ກິລາ ແລະທ່ອງທ່ຽວ, ສະມາຄົມນັກສິລະປິນຫວຽດນາມ ແລະບັນດາອົງການ, ຫົວໜ່ວຍທີ່ກ່ຽວຂ້ອງໄດ້ຈັດຕັ້ງພິທີໄຂງານວາງສະແດງ “ເສັ້ນຊາຍແດນແຫ່ງຄວາມເອກອ້າງທະນົງໃຈ”. ທ່ານ ຫງວຽນຈ້ອງເຫງັຍ ເລຂາທິການສູນກາງພັກ, ຫົວໜ້າຄະນະໂຄສະນາສຶກສາສູນກາງພັກກອມມູນິດຫວຽດນາມ ໄດ້ເຂົ້າຮ່ວມ.
    |
 |
|
ບັນດາຜູ້ແທນຢ້ຽມຊົມງານວາງສະແດງ. ພາບ: ລານແອັງ. |
ງານວາງສະແດງໄດ້ແນະນໍາຮູບພາບທີ່ພົ້ນເດັ່ນ 100 ແຜ່ນ, ໃນນັ້ນມີຮູບ 21 ແຜ່ນໄດ້ຮັບລາງວັນໃນການປະກວດຮູບພາບສິລະປະ “ເສັ້ນຊາຍແດນແຫ່ງຄວາມເອກອ້າງທະນົງໃຈ” ທີ່ໄດ້ຈັດຕັ້ງປີ 2020. ບັນດາຮູບພາບທີ່ນຳມາເຂົ້າຮ່ວມງານວາງສະແດງແມ່ນມີລັກສະນະສິລະປະສູງ, ມີຫົວຄິດປະດິດສ້າງ; ມີເນື້ອໃນອຸດົມສົມບູນກ່ຽວກັບຄວາມງາມຂອງປະເທດຊາດ ແລະປະຊາຊົນຢູ່ເຂດຊາຍແດນ. ງານວາງສະແດງຢູ່ຮ່າໂນ້ຍ ແມ່ນກິດຈະກຳເປີດສາກໃຫ້ແກ່ງານວາງສະແດງຄັ້ງຕ່າງໆເຊິ່ງຈະໄດ້ຈັດຂຶ້ນຢູ່ທ້ອງຖິ່ນອື່ນ ເພື່ອສືບຕໍ່ສົ່ງເສີມ, ປຸກລຸກນໍ້າໃຈແຫ່ງຄວາມຮັກບ້ານເກີດເມືອງນອນ, ປະເທດຊາດ, ຄວາມເອກອ້າງທະນົງໃຈ ແລະຜືນແຜ່ນດິນອັນຄົບຖ້ວນ.
ງານວາງສະແດງຈະດໍາເນີນໄປຮອດວັນທີ 28 ມີນາ ຈຶ່ງອັດລົງ.
ໂດຍ: ເຈິ່ນຮວ່ຽນ