ໂຮ້ຍອານ ນຳໜ້າໃນ top ບັນດານະຄອນສວຍງາມທີ່ສຸດຢູ່ອາຊີ
ກປ.ອອນໄລ - ອີກເທື່ອໜຶ່ງ, CNN ເຊີດຊູ ໂຮ້ຍອານ ຢືນອັນດັບທີ 1 ໃນ top 14 ນະຄອນສວຍງາມທີ່ສຸດຢູ່ອາຊີ, ກ່ອນໜ້ານັ້ນ, CNN ໄດ້ຍ້ອງຍໍສັນລະເສີນ ໂຮ້ຍອານ ແມ່ນໜຶ່ງໃນບັນດາຕົວເມືອງເກົ່າສວຍງາມທີ່ສຸດຢູ່ອາຊີຕາເວັນອອກສ່ຽງໃຕ້.
ຕາມບັນຊີລາຍຊື່ນີ້, ນອກຈາກໂຮ້ຍອານ ໄດ້ຮັບການເຊີດຊູຈາກ CNN ຢືນອັນດັບທີ 1, ຍັງມີ 13 ນະຄອນອື່ນ, ຄື: Yufuin (ຍີ່ປຸ່ນ), George Town (ມາເລເຊຍ), Vigan (ຟີລິບປິນ), ຫຼວງພະບາງ (ລາວ), Kampot (ກໍາປູເຈຍ), Kota Gede (ອິນໂດເນເຊຍ), Galle (ສີລັງກາ), Zhouzhuang (ຈີນ), Mawlynnong (ອິນເດຍ), Ghandruk (ເນປານ), Sai Kung (ຮົ່ງກົງ) ແລະສຸດທ້າຍແມ່ນ ພູແກັດ (ໄທ).
|
|
ມູມໜຶ່ງຢູ່ໂຮ້ຍອານ. ພາບ: CNN. |
ໂດຍຕັ້ງຢູ່ຍ່ານໃຕ້ແມ່ນໍ້າທູບົ່ນ, ຕົວເມືອງເກົ່າໂຮ້ຍອານ ເຄີຍໄດ້ຮັບການຮັບຮອງຈາກ ຢູແນັສໂກ ວ່າເປັນມໍລະດົກໂລກໃນປີ 1999.
ແຫ່ງນີ້ພົ້ນເດັ່ນແມ່ນເຂດດິນຍັງຄົງຮັກສາຮ່ອງຮອຍຂອງການປະສົມປະສານລະຫວ່າງວັດທະນະທໍາຕາເວັນອອກ-ຕາເວັນຕົກດ້ວຍບັນດາສະມາຄົມ, ວັດວາອາຮາມ-ວິຫານ-ຫໍບູຊາຂອງຄົນຈີນ ຫຼື ຍີ່ປຸ່ນ, ຄຽງຂ້າງບັນດາເຮືອນຂອງຄົນຫວຽດນາມ ຍັງມີເຮືອນທີ່ປຸກສ້າງຕາມແບບສະຖາປັດຕະຍະກໍາຂອງຝະລັ່ງອີກດ້ວຍ.
ໂດຍ: ເຈິ່ນຮວ່ຽນ