ງານວາງສະແດງແມ່ນແນໃສ່ທົບທວນຄືນ, ຢືນຢັນຄຸນຄ່າທາງດ້ານທິດສະດີ ແລະພຶດຕິກໍາຕົວຈິງຂອງຄໍາພິໄນກໍາ; ສະແດງໃຫ້ເຫັນຄວາມເຄົາລົບນັບຖື ແລະຄວາມຮູ້ບຸນຄຸນຢ່າງເລິກເຊິ່ງຕໍ່ປະທານໂຮ່ຈີມິນ; ຕີລາຄາ ແລະສະຫຼຸບບັນດາຜົນງານ, ບົດຮຽນໃນການປະຕິບັດຄໍາພິໄນກໍາຂອງເພິ່ນ.
ງານວາງສະແດງໄດ້ວາງສະແດງຕາມ 4 ເນື້ອໃນ, ລວມມີ: “ປະທານໂຮ່ຈີມິນ: ຊີວິດ-ພາລະກິດ”; “ຄໍາພິໄນກໍາຂອງປະທານ ໂຮ່ຈີມິນ: ເນື້ອໃນ, ຄວາມໝາຍ ແລະຄຸນຄ່າດ້ານປະຫວັດສາດ”; “ຜົນງານພາຍຫຼັງ 50 ປີແຫ່ງການປະຕິບັດຄໍາພິໄນກໍາຂອງ ປະທານໂຮ່ຈີມິນ”; ຮໍ່າຮຽນ ແລະປະຕິບັດຕາມແບບຢ່າງຄຸນສົມບັດປະທານໂຮ່ຈີມິນ. ດ້ວຍເອກະສານດີເດັ່ນກວ່າ 700 ຢ່າງ, ງານວາງສະແດງໄດ້ແນະນໍາກ່ຽວກັບຊີວິດ, ພາລະກິດປະຕິວັດ, ແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈີມິນ. ງານວາງສະແດງຈະດໍາເນີນໄປຮອດວັນທີ 20 ກັນຍາ ຈຶ່ງອັດລົງ.
ໂດຍ: ຄໍາແພງ
Type the code from the image