ຫວຽດນາມ ສ້າງສະຖານທີ່ວັດທະນະທຳ ໂຮ່ຈີມິນ ຢູ່ຕ່າງປະເທດ

ບັນຍາກາດກອງປະຊຸມສຳມະນາສາກົນ “ສ້າງສະຖານທີ່ວັດທະນະທໍາ ໂຮ່ຈີມິນ ຢູ່ອົງການຕາງໜ້າຫວຽດນາມ ປະຈຳ ຕ່າງປະເທດ”. ພາບ: qdnd.vn

ກ່າວຄຳເຫັນໄຂກອງປະຊຸມ, ທ່ານ ຫງວຽນມິງຫວູ ຮອງລັດຖະມົນຕີຜູ້ປະຈຳການກະຊວງການຕ່າງປະເທດ ຢັ້ງຢືນວ່າ ການເຊີດຊູປະທານໂຮ່ຈີມິນ ຜ່ານບັນດາສະຖານທີ່ວັດທະນະທຳແມ່ນຍຸດທະສາດອັນຍາວນານ, ສົມທົບລະຫວ່າງສີສັນຊາດ ແລະການທູດທີ່ທັນສະໄໝ. ບັນດາຮູບແບບນີ້ບໍ່ພຽງແຕ່ແມ່ນສະຖານທີ່ວາງສະແດງເທົ່ານັ້ນ ຫາກຍັງຕ້ອງໄດ້ຮັບການພັດທະນາກາຍເປັນສະຖານທີ່ເຊື່ອມຕໍ່ລະຫວ່າງຄວາມຊົງຈໍາ, ການສຶກສາ ແລະການພົບປະແລກປ່ຽນສາກົນ, ໂດຍສະເພາະແມ່ນໃນສະພາບການຫວຽດນາມ ຍູ້ແຮງການເຊື່ອມໂຍງຢ່າງຮອບດ້ານ.

ກອງປະຊຸມໄດ້ແບ່ງເປັນສອງວາລະປຶກສາຫາລື. ວາລະປະຊຸມທີໜຶ່ງທີ່ປິ່ນອ້ອມບັນດາຮູບແບບເຊີດຊູປະທານໂຮ່ຈີມິນ ຜ່ານສິລະປະບໍ່ເປັນວັດຖຸ. ທີ່ວາລະປະຊຸມ, ຜູ້ຕາງໜ້າອົງການ UNESCO ປະຈຳ ຮ່າໂນ້ຍ ກໍ່ແບ່ງປັນຄວາມຄ້າຍຄືກັນລະຫວ່າງແນວຄິດ ໂຮ່ຈີມິນ ກ່ຽວກັບການຮ່ຳຮຽນຕະຫຼອດຊີວິດ ແລະການກຳນົດທິດການສຶກສາແບບຍືນຍົງທົ່ວໂລກ. ວາລະປະຊຸມທີສອງແມ່ນສຸມໃສ່ປຶກສາຫາລືກ່ຽວກັບຫົວຂໍ້ສ້າງສະຖານທີ່ວັດທະນະທຳ ໂຮ່ຈີມິນ: ບົດຮຽນປະສົບການສາກົນ ແລະພຶດຕິກຳຕົວຈິງຂອງອົງການຕາງໜ້າຫວຽດນາມ ປະຈຳ ຕ່າງປະເທດ”.

ໂດຍ: ກວຽດເຕິມ