UNESCO ອະນຸມັດຜ່ານການດັດປັບເຂດແດນມໍລະດົກໂລກລວມມີ 2 ປ່າສະຫງວນແຫ່ງຊາດ ຫວຽດນາມ ແລະລາວ
ກປ.ອອນໄລ - ມໍລະດົກທໍາມະຊາດໂລກພາຍຫຼັງການດັດປັບມີຊື່ທີ່ວ່າ “ປ່າສະຫງວນແຫ່ງຊາດ ຟອງຍາ - ແກບາງ ແລະປ່າສະຫງວນແຫ່ງຊາດ ຫີນໜາມໜໍ່”.
ວັນທີ 13 ກໍລະກົດ, ທີ່ກອງປະຊຸມ ຄັ້ງທີ 47 ຢູ່ນະຄອນຫຼວງ ປາຣີ, ຝລັ່ງ, ຄະນະກຳມະການມໍລະດົກໂລກໄດ້ມີຂໍ້ຕົກລົງວ່າດ້ວຍການອະນຸມັດຜ່ານການດັດປັບເຂດແດນແບບຮ່ວມຊາຍແດນມໍລະດົກໂລກຂອງເຂດມໍລະດົກທຳມະຊາດໂລກປ່າສະຫງວນແຫ່ງຊາດ ຟອງຍາ - ແກບາງ (ແຂວງ ກວາງຈີ້, ຫວຽດນາມ) ເປີດກວ້າງຕື່ມອີກທັງປ່າສະຫງວນແຫ່ງຊາດ ຫີນໜາມໜໍ່ (ແຂວງ ຄຳມ່ວນ, ລາວ). ມໍລະດົກທໍາມະຊາດໂລກ ພາຍຫຼັງການດັດປັບມີຊື່ທີ່ວ່າ “ປ່າສະຫງວນແຫ່ງຊາດ ຟອງຍາ - ແກບາງ ແລະປ່າສະຫງວນແຫ່ງຊາດ ຫີນໜາມໜໍ່”.
    |
 |
|
ຄະນະປະຕິບັດງານສາທາລະນະລັດ ປະຊາທິປະໄຕ ປະຊາຊົນລາວ ຮູ້ສຶກດີໃຈເມື່ອອົງການ UNESCO ໄດ້ຮັບຮອງປ່າສະຫງວນແຫ່ງຊາດຫີນໜາມໜໍ່. ພາບ: ແອງຕ໊ວນ |
ໄລ່ມາຮອດປະຈຸບັນ, ຫວຽດນາມ ມີມໍລະດົກໂລກ 9 ແຫ່ງ, ໃນນັ້ນມີ 2 ມໍລະດົກໂລກລະຫວ່າງແຂວງ ຄື: ອ່າວຮ້າລອງ - ໝູ່ເກາະ ກ໊າດບ່າ (ແຂວງ ກວາງນິງ ແລະນະຄອນ ຫາຍຟ່ອງ) ແລະເຂດມໍລະດົກ ແລະປູສະນີຍະສະຖານອຽນຕື໊-ຫວິງງຽມ-ກົນເຊີນ, ກຽບບາກ (ແຂວງກວາງນິງ, ບັກນິງ ແລະນະຄອນຫາຍຟ່ອງ), ພ້ອມກັບມໍລະດົກໂລກລະຫວ່າງຊາຍແດນທໍາອິດປ່າສະຫງວນແຫ່ງຊາດ ຟອງຍາ - ແກບາງ (ແຂວງກວາງຈິ, ຫວຽດນາມ) ແລະ ປ່າສະຫງວນແຫ່ງຊາດ ຫີນໜາມໜໍ່ (ແຂວງຄໍາມ່ວນ, ລາວ).
ເລື່ອງມໍລະດົກປ່າສະຫງວນແຫ່ງຊາດ ຟອງຍາ - ແກບາງ ແລະປ່າສະຫງວນແຫ່ງຊາດຫີນໜາມໜໍ່ໄດ້ UNESCO ຮັບຮອງຈະເປັນແບບຢ່າງໃຫ້ແກ່ການຄຸ້ມຄອງມໍລະດົກໂລກແບບຮ່ວມຊາຍແດນທຳອິດ ເພື່ອໃຫ້ຫວຽດນາມ ສາມາດປະກອບສ່ວນບົດຮຽນຕົວຈິງເຂົ້າໃນວຽກງານຄຸ້ມຄອງມໍລະດົກໂລກຕາມສົນທິສັນຍາ 1972 ກ່ຽວກັບການອະນຸລັກຮັກສາມໍລະດົກວັດທະນະທຳ ແລະທຳມະຊາດໂລກຂອງ UNESCO.
ໂດຍ: ທະນາພອນ