ເດືອນກໍາມະກອນ 2020: ສືບຕໍ່ມີວຽກເຮັດງານທໍາ ແລະຮັບປະກັນລາຍຮັບເປັນປົກກະຕິໃຫ້ແກ່ກໍາມະກອນ, ຜູ້ອອກແຮງງານ
ໂດຍຕອບສະໜອງເດືອນກໍາມະກອນປີ 2020 ດ້ວຍຫົວຂໍ້ “ສືບຕໍ່່ມີວຽກເຮັດງານທໍາ - ອອກແຮງງານຢ່າງປອດໄພ - ຮັບປະກັນລາຍຮັບເປັນປົກກະຕິ”, ອົງການກໍາມະບານ ໄດ້ຜັນຂະຫຍາຍບັນດາກິດຈະກໍາຄື: ຈັດງານໂອ້ລົມສົນທະນາລະຫວ່າງພະນັກງານກໍາມະບານ ກັບອໍານາດການປົກຄອງທຸກຂັ້ນ, ຜູ້ນໍາໃຊ້ແຮງງານດ້ວຍຫົວຂໍ້ “ກໍາມະບານຮ່ວມເດີນທາງພ້ອມກັບວິສາຫະກິດ ຜ່ານຜ່າຄວາມຫຍຸ້ງຍາກພາຍຫຼັງໂລກລະບາດໂຄວິດ - 19 ສິ້ນສຸດລົງ”, ນໍາສະເໜີບັນດາມາດຕະການເພື່ອແກ້ໄຂບັນດາບັນຫາເຄັ່ງຮ້ອນ, ຮີບດ່ວນຂອງກໍາມະກອນ, ຜູ້ອອກແຮງງານ...
|
|
ທ່ານ ກ່ຽວງອກຫວູ, ຮອງປະທານສະຫະພັນແຮງງານນະຄອນໂຮ່ຈີມິນ ມອບຂອງຂວັນໃຫ້ແກ່ກໍາມະກອນທີ່ປະສົບກັບຄວາມຫຍຸ້ງຍາກ. ພາບ: ສໍານັກຂ່າວສານຫວຽດນາມ |
ທ່ານ ຫວູແມ້ງຕຽມ, ຮອງຫົວໜ້າຄະນະໂຄສະນາສຶກສາ, ສະຫະພັນໃຫຍ່ແຮງງານຫວຽດນາມ ໃຫ້ຮູ້ວ່າ ກໍາມະບານຫວຽດນາມພວມສົມທົບກັບບັນດາກະຊວງ, ຂະແໜງການສະຖິຕິຈໍານວນຜູ້ອອກແຮງງານທີ່ຖືກວ່າງງານ, ພັກການຊົ່ວຄາວ ຍ້ອນໂລກລະບາດໂຄວິດ-19 ເພື່ອແນໃສ່ຜັນຂະຫຍາຍບ້ວງເງິນໜູນຊ່ວຍສັງຄົມຂອງລັດຖະບານເຂົ້າເຖິງຊາວຜູ້ອອກແຮງງງານໃນເດືອນກໍາມະກອນນີ້.
“ໄລ່ຮອດປັດຈຸບັນ, ສະຫະພັນໃຫຍ່ແຮງງານພວມສໍາຫຼວດ, ຮຽກຮ້ອງບັນດາຂະແໜງການ, ທ້ອງຖິ່ນລາຍງານ, ສະຖິຕິ, ປະກອບຄໍາເຫັນຕໍ່ກັບກະຊວງແຮງງານ, ທະຫານເສຍອົງຄະ ແລະສັງຄົມ ແລະລັດຖະບານ ເພື່ອປັບປຸງ, ສໍາຫຼວດກວດຄືນບັນດາເປົ້າໝາຍເພື່ອໄດ້ຮັບເງິນອຸດໜູນຢ່າງເໝາະສົມ. ໄປຄຽງຄູ່ກັນນັ້ນ ກໍ່ຮຽກຮ້ອງກໍາມະບານທຸກຂັ້ນຂົນຂວາຍຜູ້ນໍາໃຊ້ແຮງງານ ພ້ອມກັນແກ້ໄຂຄວາມຫຍຸ້ງຍາກ, ຍູ້ແຮງການຜະລິດ”.
ແຫຼ່ງຄັດຈາກ: vovworld.vn