ຊຸກຍູ້ການຮ່ວມມືໃນຂົງເຂດພະລັງງານຢູ່ອິນເດຍ
ກປ.ອອນໄລ - ຕອນເຊົ້າວັນທີ 18 ມັງກອນ, ທີ່ສູນງານຕະຫຼາດນັດ India Expo Mart, ລັດ Uttar Pradesh, ອິນເດຍ ໄດ້ດໍາເນີນພິທີໄຂງານຕະຫຼາດນັດອຸປະກອນໄຟຟ້າ ແລະພະລັງງານ Elecrama 2020.
ງານຕະຫຼາດນັດປີນີ້ໄດ້ດຶງດູດວິສາຫະກິດ, ອົງການຈັດຕັ້ງ 1200 ແຫ່ງທີ່ມາຈາກ 60 ປະເທດ ແລະເຂດແຄວ້ນໃນໂລກເຂົ້າຮ່ວມວາງສະແດງແນະນຳຜະລິດຕະພັນ, ເຄື່ອງມື, ອຸປະກອນ...
ຫ້ອງການການຄ້າ, ສະຖານທູດຫວຽດນາມ ປະຈໍາອິນເດຍ ໄດ້ຈັດຕັ້ງຮ້ານວາງສະແດງສິນຄ້າເພື່ອໜູນຊ່ວຍບັນດາວິສາຫະກິດຫວຽດນາມ ໂຄສະນາຜະລິດຕະພັນ ແລະພົບປະ, ແລກປ່ຽນ, ຊອກຫາກາລະໂອກາດດໍາເນີນທຸລະກິດຢູ່ຕະຫຼາດອິນເດຍ ທີ່ກວ້າງໃຫຍ່.
    |
 |
|
ພິທີຕັດແຖບຜ້າໄຂຮ້ານວາງສະແດງຂາຍສິນຄ້າຫວຽດນາມ ຢູ່ງານຕະຫຼາດນັດ. ພາບ: ສໍານັກຂ່າວສານຫວຽດນາມ. |
ຄະນະຫວຽດນາມ ມີເກືອບ 40 ວິສາຫະກິດໃນຂົງເຂດໄຟຟ້າ, ເອເລັດໂຕນິກ, ອຸປະກອນໄຟຟ້າ... ໄດ້ມາຢ້ຽມຊົມ ແລະເຂົ້າຮ່ວມເວທີປາໄສວິສາຫະກິດ, ການພົບປະລະຫວ່າງຜູ້ຂາຍ-ຜູ້ຊື້.
ນີ້ແມ່ນໂອກາດທີ່ດີ ເພື່ອໃຫ້ວິສາຫະກິດຫວຽດນາມ ເຂົ້າຮ່ວມງານວາງສະແດງແນະນຳຜະລິດຕະພັນ, ເຄື່ອງຈັກ, ອຸປະກອນ, ມາດຕະການເຕັກນິກ ແລະການບໍລິການໃນຂົງເຂດຜະລິດ, ການສົ່ງ, ແຈກຢາຍໄຟຟ້າ, ໄຟຟ້າ-ເອເລັກໂຕນິກ, ພະລັງງານຜະລິດຄືນໃໝ່...
ໂດຍ: ທະນາພອນ