ກາລະໂອກາດສໍາຄັນໃຫ້ການພັດທະນາຂອງຂະແໜງ AI ແລະເຄິ່ງຊັກນໍາໄຟຟ້າຢູ່ຫວຽດນາມ
ກປ.ອອນໄລ - ຕອນເຊົ້າວັນທີ 12 ມີນາ, ທີ່ຮ່າໂນ້ຍ, ກອງປະຊຸມສາກົນກ່ຽວກັບປັນຍາປະດິດ ແລະເຄິ່ງຊັກນໍາໄຟຟ້າ (AISC) 2025 ໂດຍ Aitomactic, ອາເມລິກາ ແລະສູນນະວັດຕະກໍາແຫ່ງຊາດ (NIC) ຈັດຕັ້ງໄດ້ໄຂຂຶ້ນຢ່າງເປັນທາງການ.
    |
 |
|
AISC 2025 ຢືນຢັນກໍາລັງດຶງດູດຂອງຫວຽດນາມ ໃນຂົງເຂດເຕັກໂນໂລຢີສູງ. ພາບ: qdnd.vn |
ເປັນຄັ້ງທໍາອິດ, ມີການນໍາ, ນັກຊ່ຽວຊານກວ່າ 1.000 ຄົນດ້ວຍການເຂົ້າຮ່ວມຂອງ Google, NVIDIA, Meta, Intel, Samsung, Panasonic, Qorvo, Marvell ແລະກຸ່ມບໍລິສັດເຕັກໂນໂລຢີ Silicon Valley (ອາເມລິກາ) ຢູ່ AISC 2025. ເຫດການຢືນຢັນຖານະບົດບາດຂອງຫວຽດນາມ ໃນຂະແໜງປັນຍາປະດິດ (AI) ແລະເຄິ່ງຊັກນໍາໄຟຟ້າທົ່ວໂລກ; ຢັ້ງຢືນຄວາມດຶງດູດຂອງຫວຽດນາມ ໃນຂົງເຂດເຕັກໂນໂລຢີສູງ. ຄວາມມານະພະຍາຍາມຂອງລັດຖະບານຫວຽດນາມ ໃນການຊຸກຍູ້ພັດທະນາ AI ແລະຂະແໜງເຄິ່ງຊັກນໍາໄຟຟ້າ ພວມສະແດງໃຫ້ເຫັນທິດທາງອັນຖຶກຕ້ອງ, ສອດຄ່ອງກັບທ່າອ່ຽງຫັນປ່ຽນຂອງລະບົບມູນຄ່າເຕັກໂນໂລຢີທົ່ວໂລກ.
ລາຍການກອງປະຊຸມ AISC 2025 ຈະດໍາເນີນແຕ່ວັນທີ 12 ຫາວັນທີ 16 ມີນາ, ທີ່ຮ່າໂນ້ຍ ແລະດ່ານັງ, ດ້ວຍການເຄື່ອນໄຫວຕົ້ນຕໍ, ລວມມີ: ບັນດາວາລະກອງປະຊຸມສໍາມະນາຫົວເລື່ອງສະເພາະກ່ຽວກັບ “ການປະຕິວັດເຕັກໂນໂລຢີເຄິ່ງຊັກນໍາໄຟຟ້າ-ປັນຍາປະດິດຢູ່ Silicon Valley” ແລະ “ການເຕົ້າໂຮມຂອງເຄິ່ງຊັກນໍາໄຟຟ້າ ແລະປັນຍາປະດິດ: ປັດໄຈບຸກທະລຸສ້າງກາລະໂອກາດໃໝ່”; ງານວາງສະແດງ, ເຊື່ອມຕໍ່ການລົງທຶນ, ດໍາເນີນທຸລະກິດ...
ໂດຍ: ໄຊນີດາ